Foto: Almaty qalasy ákimdiginiń baspasóz qyzmeti
Almaty qalasynda jalpy 44 sý aidyny bar, olardyń 9-y shomylýǵa qaýipti dep tanylǵan. Bul týraly QR TJM «Barys» respýblikalyq jedel-qutqarý jasaǵynyń súńgýir-qutqarý bóliminiń basshysy Andrei Bybchenko málimdedi, dep habarlaidy Ult.kz.
Onyń aitýynsha, atalǵan oryndarda sý tereńdigi, aǵystyń qattylyǵy jáne arnaiy jabdyqtalǵan shomylý aimaqtarynyń joqtyǵy adamdardyń ómiri men densaýlyǵyna qaýip tóndiredi. Qaýipti dep tanylǵan nysandar qatarynda qalanyń birneshe aýdanyndaǵy ózender men toǵandar bar.
Atap aitqanda:
«Shańyraq» yqsham aýdanyndaǵy Úlken Almaty ózeni — Alataý aýdany;
«Darhan» yqsham aýdanyndaǵy Úlken Almaty ózeni — Alataý aýdany;
«Qarasý» yqsham aýdanyndaǵy toǵan — Alataý aýdany;
Úlken Almaty ózeni (Ál-Farabi — Naýai) — Bostandyq aýdany;
«Kemel» yqsham aýdanyndaǵy Pervomai toǵandary — Jetisý aýdany;
Kishi Almaty ózeni (Býtakovkaǵa burylys) — Medeý aýdany;
Iýnnat kóli — Medeý aýdany;
Áýejai kóli — Túrksib aýdany;
Qarasý ózeniniń iirimderi (Shestýha) — Túrksib aýdany.
Qutqarýshylardyń aitýynsha, qazirgi ýaqytta sý aidyndarynyń eshqaisysy tolyq jumys istemeidi. Sairan kólinde sý joq, al Úlken Almaty kanalynda qaita jańǵyrtý jumystary júrgizilýde.
Mamandar turǵyndardy eskertýlerdi elemeýge, taý ózenderiniń aǵysyn baǵalamaýǵa jáne jabdyqtalmaǵan jerlerde sýǵa túsýge bolmaitynyn qatań eskertedi. Sonymen qatar, qutqarýshylardyń bolmaýy men aýa raiynyń kenet ózgerýi de qosymsha qaýip tóndiretini aityldy.
