Almaty qalasy men «Jańa Almaty» aýmaǵynda ornalasqan qoǵamdyq keńistikterdi 2025 jylǵa deiin damytý baǵdarlamasy ázirlendi. Bul týraly onlain brifing barysynda qala ákiminiń orynbasary Muhit Ázirbaev aitty, dep habarlaidy QazAqparat.
Onyń aitýynsha, biyl Almaty halyqaralyq áýejaiynan Tuńǵysh Prezident saiabaǵyna deiingi aralyqta jaiaý júrginshiler keńistigine rekonstrýktsiia jumystary bastalady.
Sondai-aq, kóktemde 9 kósheni qalpyna keltirý jumystary júrgiziledi.
Olar:
Sátbaev kóshesi: Lýganskii-Baizaqov kósheleriniń aralyǵy,
Dostyq dańǵyly: Abai- Ál-Farabi dańǵyldary aralyǵy,
Ál-Farabi dańǵylynan shekara ýchilishesine deiin, Seifýllin dańǵyly: Abai - Raiymbek dańǵyldary aralyǵy,
Raiymbek dańǵyly: Seifýllin dańǵyly- Pýshkin kóshesi aralyǵy,
Pýshkin kóshesi: Raiymbek dańǵyly-Gogol kóshesi aralyǵy,
Músirepov kóshesi: Abai dańǵyly- Timiriazev kóshesi aralyǵy,
Qazybek bi kóshesi: Dostyq dańǵyly- Kishi Almaty ózenine deiin,
Kóktóbege baratyn jol: Omarov kóshesi boiymen Kishi Almaty ózeni- Kóktóbe taýynyń kireberisine deiin,
Shalov kóshesi: Toqtabaev- Jandosov kósheleriniń aralyǵy.
2023 jyly 8 kóshe boiynsha jańa jobalar ázirlenedi:
Sain kóshesinde: Abai-Tóle bi kósheleriniń aralyǵy,
Momyshuly kóshesi: Shaliapin-Tóle bi kósheleriniń aralyǵy,
Tóle bi kóshesi: Iassaýi-Sadovnikov kósheleriniń aralyǵy,
Abai dańǵyly: Jarokov-Momyshuly kósheleriniń aralyǵy;
Súiinbai dańǵyly: Raiymbek dańǵyly-Baým toǵailary aralyǵy,
Jandosov kóshesi: Úlken Almaty ózeni - Sain kóshesi aralyǵy,
Masanchi kóshesi: Sátpaev-Kabanbai batyr kósheleriniń aralyǵy;
Jarokov kóshesi: Abai dańǵyly- «Qazaqfilm» yqsham aýdany aralyǵy.
Sondai-aq biylǵy jyly qalaǵa kiretin joldardy jaqsartý jobasy ázirlenedi. Ol boiynsha qurylys jumystary jyl sońynda bastalady dep kútilýde:
Joǵary Qaskeleń tas joly (Jandosov kóshesi boiymen),
Almaty-Bishkek tas joly (Raiymbek dańǵyly boiymen), Qapshaǵai tas joly, Ile tas joly, Qulja tas joly, Talǵar tas joly.
