Almatydaǵy №2 qalalyq balalar klinikalyq aýrýhanasyna qalamnyń ishindegi temir serippeni jutyp qoiǵan oqýshy shuǵyl jaǵdaida tústi, dep habarlaidy QazAqparat.
Aýrýhananyń baspasóz qyzmetinen málim etkendei, 8 jasar bala aýrýhanaǵa túser aldynda 3 saǵat buryn aýzyna salyp shainap otyrǵan qalamnyń serippesin kúlgen kezde jutyp qoiǵan, ol tynys alý joldaryna túsken.
Biraz ýaqyttan keiin bala jótelge, tynys alýdyń aýyrsynýyna shaǵymdanǵan. Ata-anasy balany №2 balalar qalalyq klinikalyq aýrýhanasynyń jedel járdem bólimshesine jetkizedi. Balany mamandar tekserip, keýde qýysynyń rentgenografiiasyn jasady. Rentgenogrammada oń jaq bronhta bógde zat bar ekeni anyqtaldy. Birden aýrýhanaǵa jatqyzylyp, manipýliatsiiaǵa daiyndyq jasaldy.
«Jalpy anesteziiamen qatań trahebronhoskopiia jasaldy. Oń jaq negizgi bronhtan janama zat (serippe) anyqtaldy. Aita ketý kerek, negizgi bronhtardaǵy bóten deneni diagnostikalaý óte qiyn.
Serippe arnaiy «krokodil» qystyrǵyshymen alynady», - deidi №2 balalar qalalyq klinikalyq aýrýhanasynyń hirýrgiialyq bólimshesiniń meńgerýshisi Marat Qaptaǵaev.
Onyń aitýynsha, tynys alý joldarynyń bógde deneleri balalyq shaqta jii kezdesetin patologiia. Kóbinese bundai jaǵdai 1-15 jas aralyǵyndaǵy balalar arasynda kezdesedi. Balalarda 70-80% jaǵdaida bóten deneler traheia men bronhtarǵa «taiyp», tynys alý joldarynyń ishinara nemese tolyq bitelýine ákeledi.
Basqa jaǵdailarda bógde zat daýys bailamdarynyń ústinde, jutqynshaq, keńirdek deńgeiinde turyp qalady. Úlken zattar jóteldi, asfiksiiany týdyrady, sóileý fýnktsiiasy buzylyp, balanyń ómirine qaýip tóndirýi múmkin.
«Bóten denelerdi alyp tastaǵannan keiin keibir naýqastarǵa ońaltý sharalaryn jasaý qajet bolady. Al asqynǵan bógde denelerdi alyp tastaǵannan keiin mikrobqa qarsy preparattardy profilaktika retinde qoldaný qajet. Boljam kóbinese naýqastyń jasyna bailanysty. Bundai jaǵdai náresteler men ómirdiń alǵashqy jyldaryndaǵy balalar úshin óte aýyr. Balaǵa tamaq ishý kezinde sóilesýge, kúlýge, júgirýge ruqsat etpeńiz. Kishkentai balalarǵa usaq oiynshyqtar men oiynshyq bólshekterin, saǵyzdy aýzyna salýǵa jol bermeńiz», - dep keńes beredi dáriger.
