الماتىداعى №2 قالالىق بالالار كلينيكالىق اۋرۋحاناسىنا قالامنىڭ ٸشٸندەگٸ تەمٸر سەرٸپپەنٸ جۇتىپ قويعان وقۋشى شۇعىل جاعدايدا تٷستٸ, دەپ حابارلايدى قازاقپارات.
اۋرۋحانانىڭ باسپاسٶز قىزمەتٸنەن مەلٸم ەتكەندەي, 8 جاسار بالا اۋرۋحاناعا تٷسەر الدىندا 3 ساعات بۇرىن اۋزىنا سالىپ شايناپ وتىرعان قالامنىڭ سەرٸپپەسٸن كٷلگەن كەزدە جۇتىپ قويعان, ول تىنىس الۋ جولدارىنا تٷسكەن.
بٸراز ۋاقىتتان كەيٸن بالا جٶتەلگە, تىنىس الۋدىڭ اۋىرسىنۋىنا شاعىمدانعان. اتا-اناسى بالانى №2 بالالار قالالىق كلينيكالىق اۋرۋحاناسىنىڭ جەدەل جەردەم بٶلٸمشەسٸنە جەتكٸزەدٸ. بالانى ماماندار تەكسەرٸپ, كەۋدە قۋىسىنىڭ رەنتگەنوگرافيياسىن جاسادى. رەنتگەنوگراممادا وڭ جاق برونحتا بٶگدە زات بار ەكەنٸ انىقتالدى. بٸردەن اۋرۋحاناعا جاتقىزىلىپ, مانيپۋلياتسيياعا دايىندىق جاسالدى.
«جالپى انەستەزييامەن قاتاڭ تراحەبرونحوسكوپييا جاسالدى. وڭ جاق نەگٸزگٸ برونحتان جاناما زات (سەرٸپپە) انىقتالدى. ايتا كەتۋ كەرەك, نەگٸزگٸ برونحتارداعى بٶتەن دەنەنٸ دياگنوستيكالاۋ ٶتە قيىن.
سەرٸپپە ارنايى «كروكوديل» قىستىرعىشىمەن الىنادى», - دەيدٸ №2 بالالار قالالىق كلينيكالىق اۋرۋحاناسىنىڭ حيرۋرگييالىق بٶلٸمشەسٸنٸڭ مەڭگەرۋشٸسٸ مارات قاپتاعاەۆ.
ونىڭ ايتۋىنشا, تىنىس الۋ جولدارىنىڭ بٶگدە دەنەلەرٸ بالالىق شاقتا جيٸ كەزدەسەتٸن پاتولوگييا. كٶبٸنەسە بۇنداي جاعداي 1-15 جاس ارالىعىنداعى بالالار اراسىندا كەزدەسەدٸ. بالالاردا 70-80% جاعدايدا بٶتەن دەنەلەر تراحەيا مەن برونحتارعا «تايىپ», تىنىس الۋ جولدارىنىڭ ٸشٸنارا نەمەسە تولىق بٸتەلۋٸنە ەكەلەدٸ.
باسقا جاعدايلاردا بٶگدە زات داۋىس بايلامدارىنىڭ ٷستٸندە, جۇتقىنشاق, كەڭٸردەك دەڭگەيٸندە تۇرىپ قالادى. ٷلكەن زاتتار جٶتەلدٸ, اسفيكسييانى تۋدىرادى, سٶيلەۋ فۋنكتسيياسى بۇزىلىپ, بالانىڭ ٶمٸرٸنە قاۋٸپ تٶندٸرۋٸ مٷمكٸن.
«بٶتەن دەنەلەردٸ الىپ تاستاعاننان كەيٸن كەيبٸر ناۋقاستارعا وڭالتۋ شارالارىن جاساۋ قاجەت بولادى. ال اسقىنعان بٶگدە دەنەلەردٸ الىپ تاستاعاننان كەيٸن ميكروبقا قارسى پرەپاراتتاردى پروفيلاكتيكا رەتٸندە قولدانۋ قاجەت. بولجام كٶبٸنەسە ناۋقاستىڭ جاسىنا بايلانىستى. بۇنداي جاعداي نەرەستەلەر مەن ٶمٸردٸڭ العاشقى جىلدارىنداعى بالالار ٷشٸن ٶتە اۋىر. بالاعا تاماق ٸشۋ كەزٸندە سٶيلەسۋگە, كٷلۋگە, جٷگٸرۋگە رۇقسات ەتپەڭٸز. كٸشكەنتاي بالالارعا ۇساق ويىنشىقتار مەن ويىنشىق بٶلشەكتەرٸن, ساعىزدى اۋزىنا سالۋعا جول بەرمەڭٸز», - دەپ كەڭەس بەرەدٸ دەرٸگەر.
