Foto: Freepik
Almaty politsiiasy Almatydaǵy jekemenshik mektepte jeti jasar bala zorlandy degen is boiynsha júrgizilgen sot-meditsinalyq komissiia men genomdyq DNQ saraptamasynyń qorytyndysy týraly aitty, - dep habarlaidy Tengrinews.kz saity.
Buǵan deiin áleýmettik jelide anasy birinshi synyp oqýshysy zorlanýy múmkin ekenin aitqan bolatyn.
"Sot-meditsinalyq komissiia saraptamasy taǵaiyndaldy. Saraptama qorytyndysy boiynsha balanyń denesinde syrtqy jáne ishki jaraqattar tabylmady. Qazir qosymsha saraptama taǵaiyndaldy. Sondai-aq, genomdyq DNQ saraptamasy júrgizildi, ol ózge biomaterialdyń baryn anyqtaǵan joq", - dedi politsiia redaktsiia saýalyna jaýap retinde.
Sonymen qatar tergeý baqylaý kameralarynan alynǵan beinematerialdar jan-jaqty taldaýdan ótkizgen.
Sondai-aq Almaty Politsiia departamenti QR Qylmystyq kodeksiniń 121-baby 4-bóligi ("Zorlaý") boiynsha qylmystyq isti tergeýdi jalǵastyryp jatyr.
"Alaida, qylmystyq is júrgizý zańnamasynyń, atap aitqanda QR Qylmystyq-protsestik kodeksiniń 201-baby talaptaryna sáikes sotaldy tergep-tekserý týraly málimet jariia etilmeidi", - dep tolyqtyrdy Almaty politsiiasy.
