Almatynyń Alataý aýdanynda jeke investorlardyń qarajatyna jańa meshit boi kóteredi. Qurylysy endi bastalǵan meshit bir mezette 7 myń kelýshini qabyldai alady. Bul týraly qala ákimi Baqytjan Saǵyntaev óziniń Instagram –daǵy paraqshasynda jazdy.
«Almatynyń Alataý aýdanynda jeke investorlardyń qarajatyna jańa meshit boi kóteredi. Meshit bir mezgilde jeti myń musylmandy qabyldai alady. Qaladaǵy eń úlken dini ǵimarat aǵartý hám rýhani jer ǵana emes, megapolistiń arhitektýralyq marjandary arasynda da laiyqty orynǵa ie bolady», - dep jazdy Almaty ákimi.
Meshit 2021 jyly paidalanýǵa beriledi.
