Almatyda áleýmettik mańyzy bar azyq-túlikter baǵasynyń negizsiz ósýine jol bermeý boiynsha kúndelikti monitoring júrgiziledi. Nátijesinde Almatyda birqatar áleýmettik mańyzy bar taýarlardyń baǵasy arzandady, dep habarlaidy QazAqparat .
Almaty qalasy ákiminiń orynbasary Maqsat Qiqymovtyń aitýynsha, mundai jumystar 1 773 úi janyndaǵy dúkende júrgizildi.
«Baqytjan Saǵyntaevtyń tapsyrmasyn oryndai otyryp, qala ákimdigi aýdandyq ákimdiktermen jáne «Nur Otan» partiiasynyń ókilderimen birlesip kún saiyn «úi janyndaǵy» 1 773 dúkende ÁMAT baǵasynyń negizsiz ósýine jol bermeý boiynsha monitoring júrgizedi, bul jalpy sanynyń jartysyna jýyǵyn quraidy. Monitoring qorytyndysy boiynsha 7 aýdannyń (Túrksib aýdanynan basqa) 61 dúkeninde ÁMAT baǵasynyń negizsiz ósý faktileri anyqtaldy»,- dedi Maqsat Qiqymov.
Onyń aitýynsha, profilaktikalyq jumystardyń nátijesinde azyq-túlik taýarlarynyń kelesi túrleriniń baǵasy tómendedi: kúnbaǵys maiy 15%-ǵa (920-dan 780 tg/l); sút ónimderi 5%-ǵa (airan 315-ten 300 tg/l, sút 295-ten 280 tg/l); áleýmettik nan 10%-ǵa (100-den 90 tg/l); 1 surypty un 10,2%-ǵa (245-ten 220 tg/kg-ǵa deiin); 6,2% (490-dan 460 tg/ondyqqa deiin); qant 5,7%-ǵa (350-den 330 tg/kg-ǵa deiin).
Qalǵan 1 810 dúkende jumys aǵymdaǵy jyldyń qańtar aiynyń sońyna deiin júrgiziledi, monitoring boiynsha jumys turaqty negizde jalǵasady.
Aita keteiik, Almatyda V, S klasty barlyǵy 3 583 azyq-túlik dúkeni jumys isteidi: Alataý aýdanynda – 500 dúken, Almaly aýdanynda – 395, Áýezov aýdanynda – 605, Bostandyq aýdanynda – 488, Jetisý aýdanynda – 400, Medeý aýdanynda – 325, Naýryzbai aýdanynda – 350, Túrksib aýdanynda – 525 dúken.
