Almatyda koronavirýs infektsiiasyn anyqtaityn zerthanalar sany eki esege kóbeimek, dep habarlaidy QazAqparat.
Qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy Aizat Moldaqasymovanyń aitýynsha, jaqynda Almatyda taǵy 3 zerthana koronavirýs infektsiialaryn anyqtaýǵa kóshedi.
«Zerthanalar sanyna kelsek, bizde eger buǵan deiin 3 zerthana jumys istep tursa, taǵy 3 zerthana qosylady. Olardyń biri Koreia men Qazaqstannyń birigip ashqan jekemenshik zerthanasy. Bul uiymnyń arnaiy ruqsat qujattary bar. Sondai-aq, «Olimp» klinikalyq diagnostikalyq zerthanasynyń da arnaiy ruqsaty bar. Sosyn SPID ortalyqtyń laboratoriiasy qosylatyn boldy», - dedi onlain brifing barysynda departament basshysy Aizat Moldaqasymova.
Onyń aitýynsha, «Olimp» KDZ birneshe kúnnen soń jumysqa kirisedi. Al Koreia-qazaqstandyq kompaniia jumys istep jatyr. JITS ortalyq jumys materialdaryn jetkizý boiynsha kelisim shart júrgizip jatyr.
