Almaty qalasy ákimi Baqytjan Saǵyntaev belgili kásibi sportshy Dáýren Rymqulovqa «Eńbegi úshin» tósbelgisin tapsyrdy, dep habarlaidy "Ult aqparat".
«Eńbegi úshin» tósbelgisin tapsyrdym. Kireberisin tútin sharpyǵan úiden alty adamdy shyǵarýǵa kómektesken kásibi sportshynyń bul áreketi qurmetke laiyq. Qiyn jaǵdaiǵa tap bolǵan adamdarǵa kómektesip, batyldyq tanytqandar belsendi azamattyq ustanymdy, qoǵam aldyndaǵy boryshyn kórsetedi. Almatylyqtar senimen maqtanady, Dáýren!», - dep jazdy ákim Instagram paraqshasynda.
Buǵan deiin Dáýren Rymqulov QR Ishki ister ministri Erlan Turǵymbaevtyń buiryǵymen «Órtte kórsetken qaisarlyǵy úshin» medalimen marapattalǵan bolatyn.
Esterińizge sala keteiik, 14 tamyz keshki saǵat 21:33-te Almaly aýdany Radostovets kóshesi №49 úide órt shyqty. Órt sóndirý brigadasy oqiǵa ornyna kelgende bes qabatty turǵyn úidiń úshinshi qabatyndaǵy páterdiń as bólmesi ashyq jalynmen janyp jatty.
Óz ómirin qaterge tikken Dáýren qutqarýshylar kelgenge deiin páterde qalǵan 6 adamdy qutqardy.
