Almaty politseileri «L-Kapital» kompaniiasynyń negizin qalaýshyny ustady, dep habarlaidy "Ult aqparat".
Almaty qalasynyń PD tergeý basqarmasynyń málimetinshe, jedel-izdestirý sharasy barysynda 1962 jyly týǵan azamatsha ustaldy.
Ol QRQK 128-babyna sáikes ýaqytsha ustaý izoliatoryna qamaldy.
Atalǵan kompaniianyń salymshylarynyń túsirgen ujymdyq aryzyna sáikes, QR QK 217-babynyń 3-bóligi boiynsha sotqa deiingi tergeý bastalǵanyn buryn habarlaǵan bolatynbyz.
Vedomstvoaralyq tergeý-jedel toby quryldy.
Kompaniia keńselerinde sanktsiialanǵan tintý júrgizildi.
Tolyqtyq, obektivtilik jáne jan-jaqtylyq printsipterin qatań saqtai otyryp júrgizilgen tergeý kesheni barysynda mán-jai anyqtalyp, protsessýaldyq sheshim qabyldanady.
«Qazirgi ýaqytta qylmystyq is boiynsha 50 adam jábirlenýshi retinde tanylǵan», – dedi Almaty qalalyq politsiia departamenti bastyǵynyń orynbasary Rústem Ábdirahmanov.
