Almaty ákimimen kezdesýde Almaly aýdanynyń turǵyny qurylys máselesin kóterdi. Ol Nurmaqov kóshesiniń boiynda 5 qabatty úilerdiń janynan kópqabatty turǵyn úi keshenin qurylysy bastalǵaly jatqanyn aityp shaǵymdany, dep habarlaidy QazAqparat.
«Toqtaýsyz salynyp jatqan qurylys jan-jaǵymyzdan qysyp bitti. Úiimizdiń qasyndaǵy turǵyn úidiń qabatyn azaitýdy surap edik, ol da oryndalmady. Qazir 12 qabatty úi turǵyzyldy. Sonymen qatar, Nurmaqov 150 mekenjaiynda úiimizge qarama-qarsy bos jer bar, sol jerge saiabaq salyp berýdi de aityp kelemiz. Biraq onda da kópqabatty úi boi kóterdi. Endi merdiger janymyzdaǵy 2 ýchaskeni satyp almaqshy eken. Ony toqtatý múmkin emes siiaqty», – dedi qala basshysymen kezdesýge kelgen Almaly aýdanynyń turǵyny.
Almaty ákimi Erbolat Dosaev ol jerge barǵanyn aitty.
«Men ol jerdi baryp kórdim. 2 ýchaskege de qala tarapynan ruqsat berilgen joq. Olar bizdi habardar etpedi. Kim satyp alsa da, Nurmaqov kóshesine ǵimarat salynbaidy», – dedi Almaty qalasynyń ákimi Erbolat Dosaev.
