الماتى ەكٸمٸمەن كەزدەسۋدە المالى اۋدانىنىڭ تۇرعىنى قۇرىلىس مەسەلەسٸن كٶتەردٸ. ول نۇرماقوۆ كٶشەسٸنٸڭ بويىندا 5 قاباتتى ٷيلەردٸڭ جانىنان كٶپقاباتتى تۇرعىن ٷي كەشەنٸن قۇرىلىسى باستالعالى جاتقانىن ايتىپ شاعىمدانى, دەپ حابارلايدى قازاقپارات.
«توقتاۋسىز سالىنىپ جاتقان قۇرىلىس جان-جاعىمىزدان قىسىپ بٸتتٸ. ٷيٸمٸزدٸڭ قاسىنداعى تۇرعىن ٷيدٸڭ قاباتىن ازايتۋدى سۇراپ ەدٸك, ول دا ورىندالمادى. قازٸر 12 قاباتتى ٷي تۇرعىزىلدى. سونىمەن قاتار, نۇرماقوۆ 150 مەكەنجايىندا ٷيٸمٸزگە قاراما-قارسى بوس جەر بار, سول جەرگە ساياباق سالىپ بەرۋدٸ دە ايتىپ كەلەمٸز. بٸراق وندا دا كٶپقاباتتى ٷي بوي كٶتەردٸ. ەندٸ مەردٸگەر جانىمىزداعى 2 ۋچاسكەنٸ ساتىپ الماقشى ەكەن. ونى توقتاتۋ مٷمكٸن ەمەس سيياقتى», – دەدٸ قالا باسشىسىمەن كەزدەسۋگە كەلگەن المالى اۋدانىنىڭ تۇرعىنى.
الماتى ەكٸمٸ ەربولات دوساەۆ ول جەرگە بارعانىن ايتتى.
«مەن ول جەردٸ بارىپ كٶردٸم. 2 ۋچاسكەگە دە قالا تاراپىنان رۇقسات بەرٸلگەن جوق. ولار بٸزدٸ حاباردار ەتپەدٸ. كٸم ساتىپ السا دا, نۇرماقوۆ كٶشەسٸنە عيمارات سالىنبايدى», – دەدٸ الماتى قالاسىنىڭ ەكٸمٸ ەربولات دوساەۆ.
