Almaty ákimi Erbolat Dosaev búgin Úkimet otyrysynda onlain sóz sóiledi. Onda ol Almatyda 475 mln teńgege jedel habarlandyrýdyń jańa júiesin engizý týraly málimdedi, dep habarlaidy "Ult aqparat" KAZ.NUR.KZ basylymyna silteme jasap.
"Memleket basshysynyń biylǵy 25 qańtardaǵy Almaty ákimdigi mobildi qurylǵylar arqyly halyqty shuǵyl jappai qulaqtandyrý júiesin pilottyq rejimde engizý jónindegi tapsyrmasy aiasynda qala turǵyndaryn tótenshe jaǵdailar týraly jedel habardar etý maqsatynda biylǵy mamyrdyń sońyna deiin Mass Alert qaǵidaty boiynsha halyqty jedel qulaqtandyrý júiesin engizý josparlanyp otyr. Cell Broadcast tehnologiialary, oǵan 475 mln teńge bólindi", - dedi ákim.
Onyń aitýynsha, ádettegi SMS-ten aiyrmashylyǵy, Cell Broadcast tehnologiiasy jelige qosymsha júkteme túsirmeidi jáne bazalyq stantsiialardyń antennalaryn qamtý aimaǵynda ornalasqan barlyq abonentke jedel jáne jappai taratýdy, habarlaý ýaqyty men jiiligin qamtamasyz etýge múmkindik beredi.
Dosaev 5 naýryzda tańerteń Almaty qalasyndaǵy jaǵdai turaqty ekenin, jedel shtab jumys isteitinin habarlady. Onyń aitýynsha, barlyq qyzmet jumyldyrylyp, kúsheitilgen jumys rejimine kóshken.
