Almatyda 4,7 myńnan astam muqtaj otbasyǵa áleýmettik kómek kórsetildi, dep habarlaidy QazAqparat.
Qalalyq ákimdiktiń taratqan aqparatyna sáikes, Almatyda tótenshe jaǵdaidyń engizilýine bailanysty halyqtyń barlyq osal toptaryna belsendi áleýmettik qoldaý kórsetilip jatyr. Qarajattar respýblikalyq jáne jergilikti biýdjetterden, sonymen qatar «Birgemiz» jáne «Jańa Alataý» qorlarynan bólinip jatyr.
Osylaisha, respýblikalyq biýdjetten jalpy 69 myńǵa jýyq qala turǵynyn azyq-túlik jáne turmystyq qajettiliktermen qamtamasyz etý úshin 2 AEK-ten tólendi. Sonyń ishinde birinshi jáne ekinshi toptaǵy múgedekter, 16 jasqa deiingi múgedek balalar, múgedek balasyn kútýshi ata-analar, AÁK alatyndar bar.
Sonymen birge keminde 2 AEK-ten kem emes mólsherde 3 top múgedekteri jáne resmi túrde jumyssyz dep tirkelgen shamamen 24 myń adamǵa tólemaqy berý qarastyrylyp jatyr.
Almaty qalasy boiynsha halyqqa áleýmettik kómekti Elbasynyń bastamasymen qurylǵan «Birgemiz» qoǵamdyq qory kórsetip jatyr. Atalǵan qor halyqtyń osal toptaryna, iaǵni 23 myńnan astam adamǵa 50 myń teńgeden bólip tóleý úshin shamamen 1,2 mlrd teńge bólýdi qarastyryp otyr. Olardyń qataryna áleýmettik az qamtylǵandar otbasyna kiretin kópbalaly otbasylar, birinshi toptaǵy múgedekter, múgedek balany qaraýshy ata-analar, eń tómengi zeinetaqy alatyn zeinetkerler men jetimder bar.
«Bul qoldaý sharalarymen qamtylmaǵan muqtaj adamdarǵa azyq-túlik jiyntyqtary (10,5 myń teńge) jáne sanitarlyq-gigienalyq quraldar paketi (10,5 myń teńge) túrinde «Jańa Alataý» qory men «Nur Otan» partiiasynyń demeýshilik qarajaty esebinen áleýmettik kómek retinde kórsetiledi.
Osyndai arnaiy sebetter men jiyntyqtardy 4,7 myńnan astam adam alyp úlgerdi. Olardyń arasynda úilerine baryp qyzmet kórsetiletin jalǵyzbasty zeinetkerler, 2020 jyldyń jańa talaptaryna sáikes kelmeitin, 2019 jyldyń sońynda memlekettik AÁK alýshylar qataryndaǵy azamattar bar», - dedi qalalyq ákimdikten.
