Almaty politsiiasy zańsyz dári-dármek satqan eki azamatty ustady, dep habarlaidy "Ult aqparat".
«Úsh kún ishinde dári-dármekter men meditsinalyq maqsattaǵy buiymdardy zańsyz satý boiynsha 11 faktiniń joly kesildi. Tintý kezinde 24 myń dári-dármek quraldary bar 1200 paket, sondai-aq jalpy somasy 2,5 million teńgeni quraityn COVID-19 anyqtaityn 9 myń ekspress-test alyndy. Tárlkilengen zattardyń arasynda qytailyq Paratsetamol da boldy. Qazirgi ýaqytta bul preparatty Qazaqstanǵa jetkizý arnasy anyqtalýda. Barlyq faktiler boiynsha sotqa deiingi tergeý júrgizilýde», - dedi Almaty qalalyq Politsiia departamentiniń bastyǵy Qanat Taimerdenov.
Búgin kriminaldyq politsiia basqarmasynyń qyzmetkerleri Almaty qalasy boiynsha ekonomikalyq tergeý departamentimen birlesip opa-dalap satatyn dúkende jerasty dárihanasyn ashqan eki azamatty ustady. Dúkende qyzmettiń osy túrine litsenziiasy bolǵan joq. Tergeý barysynda atalǵan mekemede 11 myńnan astam ártúrli dári-dármek jáne jalpy somasy 1 119 200 teńgeni quraityn 100-den astam ampýla tárkilendi.
Eske salaiyq, QR Prezidenti Q.K. Toqaevtyń tapsyrmasy boiynsha Ishki ister ministrligi elimizde reid ótkizip jatyr.
Tekserýdiń maqsaty – karantin ýaqytynda qajetti dári-dármekterdiń jetispeýshiligin paidalanyp, respiratorlyq-virýsty aýrýlardy emdeýge arnalǵan dári-dármekterdi joǵary baǵamen satqan dárihana qyzmetkerleri men azamattardy anyqtaý.
