Almatyda ózin-ózi oqshaýlaý rejimin buzǵany úshin «qyzyl» mártebesi bar 3144 turǵyn iri aiyppul tóledi, olardyń esimi BAQ-ta jariialandy. Bul týraly Almaty qalasy sanitariialyq-epidemiologiialyq baqylaý departamenti basshysynyń mindetin atqarýshynyń orynbasary Sádýaqas Baiǵabylov málimdedi, dep habarlaidy QazAqparat.
Spiker «qyzyl» mártebe qozǵalysty shekteý, ambýlatoriialyq baqylaýdaǵy adamdar úshin úide oqshaýlaýdyń qatań rejimin saqtaýdy bildiretinin eske saldy.
Almatylyqtar bul máselege jaýapkershilikpen qaramai, qoǵamdyq oryndarǵa barýǵa tyrysqan.
Mysaly, 9 sáýirden bastap búginge deiin Almaty qalasynyń 11 051 turǵynynda «qyzyl» jáne 1355 adamda «sary» mártebesi rastaldy.
Tekserýshiler 3251 «qyzyl» men 431 «sarynyń» qoǵamdyq tamaqtaný ornyna barýǵa tyrysqanyn anyqtady.
«Qyzyl» mártebesi bar taǵy 2309 turǵyn saýda ortalyǵyna kirgisi kelgen, 788-i bazarlardyń kireberisinde, 796-y dúkenderde, 446 «qyzyl» jáne 49 «sary» áýejaida anyqtaldy.
Ashyq qosymshasynyń arqasynda HQO-larǵa 390 virýs juqtyrǵan jáne 36 bailanysqa túsken adam kirgen joq.
Virýs juqtyrǵan 337 turǵynnyń kinoteatrlarǵa kirýdiń joly kesildi.
«Bul mártebelerdi kórsetý bizneske óz qyzmetin jalǵastyrýǵa jáne kelýshilerge qaýip tóndirmeýge múmkindik berdi. Oqshaýlaý rejimin buzýshylarǵa ákimshilik sharalar qoldanylady, olarǵa 30 AEK kóleminde aiyppul salynady», - dedi S. Baiǵabylov.
Ashyq paidalanýshylar tiziminde anyqtalǵan 387 «qyzyl» jáne 58 «sary» mártebesi barlar fitnes-ortalyqtarǵa, basseinderge, taǵy «qyzyl» mártebesi bar 186 adam sulýlyq salondary men shashtarazdarǵa kire alǵan joq.
