Almaty ákimi Baqytjan Saǵyntaev óńirlik kommýnikatsiialar qyzmetinde ótken onlain brifingte neshe adamnan «britandyq shtamm» anyqtalǵanyn aitty, dep habarlaidy "Ult aqparat".
«Qaladaǵy úzdik zerthanalardyń birimen kelisip britandyq shtamdy tabý úshin zertteý júrgizip jatyrmyz. Onyń reaktivi basqasha bolady, kúndelikti PTR-ge alyp júrgen reaktiv emes. Arnaiy sol shtamdy tabýǵa arnalǵan. Ol boiynsha 40 reaktiv ákelindi, sonyń 32-si nemese 78%-de britandyq shtamm kórsetildi», – dedi qala ákimi.
Sondai-aq ol qaladaǵy agrarlyq ýniversitettiń zerthanasynda da tekseris júrgizilip jatqanyn jetkizdi.
«Olar Dúniejúzilik densaýlyq saqtaý uiymy granty boiynsha jumys istep jatyr. Ondaǵy ǵalymdar júzden asa zerttemeniń ishinen 56 paiyz jańa shtamdy anyqtaǵan. Olar mundai tekseristi kúnde júrgizbeidi, bir rettik zerttememen bizde jańa shtamnyń bar-joǵyn anyqtaidy. Densaýlyq saqtaý ministriniń málimetinshe jańa shtamdar elimizdiń 13 óńirinde anyqtalǵan», - dedi ol.
Baqytjan Saǵyntaev bul eki shtamnyń juqtyrý deńgeii óte joǵary ekenin eske saldy.
