الماتى ەكٸمٸ باقىتجان ساعىنتاەۆ ٶڭٸرلٸك كوممۋنيكاتسييالار قىزمەتٸندە ٶتكەن ونلاين بريفينگتە نەشە ادامنان «بريتاندىق شتامم» انىقتالعانىن ايتتى, دەپ حابارلايدى "ۇلت اقپارات".
«قالاداعى ٷزدٸك زەرتحانالاردىڭ بٸرٸمەن كەلٸسٸپ بريتاندىق شتامدى تابۋ ٷشٸن زەرتتەۋ جٷرگٸزٸپ جاتىرمىز. ونىڭ رەاكتيۆٸ باسقاشا بولادى, كٷندەلٸكتٸ پتر-گە الىپ جٷرگەن رەاكتيۆ ەمەس. ارنايى سول شتامدى تابۋعا ارنالعان. ول بويىنشا 40 رەاكتيۆ ەكەلٸندٸ, سونىڭ 32-سٸ نەمەسە 78%-دە بريتاندىق شتامم كٶرسەتٸلدٸ», – دەدٸ قالا ەكٸمٸ.
سونداي-اق ول قالاداعى اگرارلىق ۋنيۆەرسيتەتتٸڭ زەرتحاناسىندا دا تەكسەرٸس جٷرگٸزٸلٸپ جاتقانىن جەتكٸزدٸ.
«ولار دٷنيەجٷزٸلٸك دەنساۋلىق ساقتاۋ ۇيىمى گرانتى بويىنشا جۇمىس ٸستەپ جاتىر. ونداعى عالىمدار جٷزدەن اسا زەرتتەمەنٸڭ ٸشٸنەن 56 پايىز جاڭا شتامدى انىقتاعان. ولار مۇنداي تەكسەرٸستٸ كٷندە جٷرگٸزبەيدٸ, بٸر رەتتٸك زەرتتەمەمەن بٸزدە جاڭا شتامنىڭ بار-جوعىن انىقتايدى. دەنساۋلىق ساقتاۋ مينيسترٸنٸڭ مەلٸمەتٸنشە جاڭا شتامدار ەلٸمٸزدٸڭ 13 ٶڭٸرٸندە انىقتالعان», - دەدٸ ول.
باقىتجان ساعىنتاەۆ بۇل ەكٸ شتامنىڭ جۇقتىرۋ دەڭگەيٸ ٶتە جوعارى ەكەنٸن ەسكە سالدى.
