Naýryzbai aýdanyndaǵy «Premera» turǵyn úi kesheni jaryqsyz qaldy. Turǵyndar elektr qýaty jii óshetinine shaǵymdanýda. Aýdan ákimdigi jaǵdaiǵa qatysty túsinik berdi, dep habarlaidy "Ult aqparat".
Atalǵan turǵyn úi kesheniniń turǵyndary qala basshylyǵyna Facebook arqyly júgindi.
«Premera» - qaladaǵy iri turǵyn úi keshenderiniń biri. Búgin tańerteń 2 myńnan astam páter elektr qýatynan tolyq ajyratyldy. 4 jyldan beri osy keshenniń elektr jelilerin qalalyq jelilerdiń balansyna berý týraly sot protsesteri júrip jatyr. Turǵyndardyń elektr qýatyna qaryzdary kóp deidi. Biraq kórshilerim de, men de únemi jaryq úshin aqsha tóleimiz. Nege bereshegi bar páterlerdi jaryqtan ajyratpaidy. Munda 14-16 qabatty 29 úi jaryqsyz qaldy. Bul degenimiz - sý men tamaq joq degen sóz. Keshenniń bári elektr qýatymen bailanysty. Balalar onlain oqi almai otyr. Birneshe boryshkerdiń kesirinen búkil keshendi jaryqsyz qaldyrý - bul tikelei adam quqyǵyn buzý», - dep jazdy áleýmettik jeli qoldanýshysy.
Naýryzbai aýdanynyń ákimdigi elektr energiiasymen qamtý qyzmetin jetkizýge kelisimshart jalpy eseptegish qural boiynsha jasalǵanyn habarlady.
«Almatyenergosbyt» JShS páter ielerimen jeke kelisimshart jasamaǵan.
«Qazirgi ýaqytta elektr energiiasyn qosý máselesi qarastyrylýda. Sonymen qatar, Almaty qalasynyń Energiia tiimdiligi jáne infraqurylymdy damytý basqarmasy elektr jelileri men qurylystaryn «AJK» AQ balansyna berýdi qarastyryp jatqanyn habarlaimyz. Ýaqytsha qolaisyzdyq úshin keshirim suraimyz», - dep jaýap berdi ákimdik.
