Almatyda Baqytjan Saǵyntaevtyń tapsyrmasymen qalalyq josparlaý jáne ýrbanistika basqarmasy «Biregei ǵimarattar katalogy» tarihi-mádeni eskertkishter tizbesin keńeitý jobasyn jalǵastyrýda, dep habarlaidy QazAqparat.
«2019 jyldyń qazan aiynan bastap Almaty turǵyndarynan 57 hat kelip tústi, onyń ishinde Archcode Almaty jáne «Tarihi kvartal» jobalary bar. Ótinishter sanyna sonymen qatar 673 nysandy qamtyǵan Gúlsana Bataqovanyń tizimi kiredi. 250 nysan ortalyqta ornalasqan. Qazirgi ýaqytta óńdelýde. Al 240 nysan qalanyń shetki aimaǵynda ornalasqan jáne ortalyq josparlaý aýdanyna jatady. Sondyqtan óndeý jumystary qosymsha ýaqytty qajet etedi», - dep habarlady basqarmadan.
Jalpy alǵanda, mamandar 229 nysandy, onyń ishinde 32 qalalyq keshenderdi qorǵaýdy usyndy. Eń aldymen Archcode Almaty tizimindegi 12 nysan jáne «Tarihi kvartal» jobasy boiynsha 37 úii bar.
Eske salaiyq, jergilikti jáne respýblikalyq mańyzy bar tarihi eskertkishteriniń basym bóligi Almatynyń tarihi ortalyǵynda ornalasqan:
1. Almaty qalasynyń respýblikalyq mańyzy - 31 nysan.
2. jergilikti mańyzy bar - 106 nysan (Almaty qalasy ákimdiginiń 2010 jylǵy 10 jeltoqsandaǵy № 4/480 qaýlysy). Onyń ishinde a rheologiia – 10, ǵ imarat-61, e skertkishter – 35.
Almatylyqtardyń pikiri boiynsha saqtalýy tiis ǵimarattar týraly aqparatty almaty.uaig.kz saityndaǵy «Biregei ǵimarattar katalogy» aidaryna aty-jóni men tegin, bailanys telefonyn, nysannyń mekenjaiy men fotosyn jiberý qajet. Izgi nietti azamattar usynǵan obektilerdi sarapshylar bir aida eki ret qoǵamdyq komissiiada talqylaidy jáne «Almatynyń biregei ǵimarattarynyń katalogyna» engiziledi.
