Almatyda 20 jastaǵy qyzdy qaǵyp ketken Volkswagen júrgizýshisi sottaldy, dep habarlaidy "Ult aqparat".
Politsiia departamentiniń málmetinshe jol-kólik oqiǵasy biyl 26 qańtaryn kúni Ótepov kóshesinde boldy.
«Volkswagen Polo» kóliginiń júrgizýshi M.A.Golotovskii Ótepov kóshesi boiymen batys baǵytta júrip kele jatyp shamamen 21:00-de jol erejesin buzdy. Ol aýa raiynyń qolaisyzdyǵyna mán bermedi. Qajetti qozǵalys jyldamdyǵyn tańdamady. Saldarynan jaiaý júrginshi – 2000 jyly týǵan S.esimdi qyzdy qaǵyp ketti. Soqtyǵysý nátijesinde dene jaraqatyn alǵan boijetken Ortalyq qalalyq klinikalyq aýrýhanaǵa jetkizildi, ol alǵan jaraqattarynan qaitys boldy, – dedi Almaty qalalyq Politsiia departamenti bastyǵynyń orynbasary Rústem Ábdrahmanov.
Sot M.A.Golotovskiidi Qazaqstan Respýblikasy QK-niń 345-baby 3-bóliminde kózdelgen qylmysty jasaǵany úshin kináli dep tanydy.
Ol 1,6 jylǵa bas bostandyǵynan jáne kólik quraldaryn basqarý quqyǵynan bes jylǵa aiyryldy.
Jazanyń merzimi úkim zańdy kúshine engen kezden bastap esepteledi.
