Almatyda 2000 asa turǵyn KSRO úlgisindegi tólqujatpen júrgen. Bul týraly onlain brifing barysynda QR IIM Kóshi-qon qyzmeti komiteti tóraǵasynyń orynbasary Sabyrjan Seitjanov aitty, dep habarlaidy "Ult aqparat".
Onyń sózine qaraǵanda, ishki ister organdary Qazaqstan Respýblikasynda jaramsyz tólqujatpen ómir súrip jatqan adamdardy anyqtaý jumysyn júrgizip jatyr.
«800 adam Keńes odaǵynyń qyzyl tólqujatyn qazaqstandyq tólqujatqa aýystyryp úlgerdi. Taǵy 1700 adam byltyr qujatyn aýystyrǵan edi. Jalpy alǵanda qazaqstandyqtardyń 60%-y tólqujat aýystyrýǵa ótinish bergen. Taǵy 30% - ulttyq tólqujaty bar adamdar, 10% - azamattyǵy joq tulǵalar. Alaida biyl qyrkúiekten bastap saýaldyń oryndalýy 6 aidan aspaýy tiis degen buiryqqa qol qoiyldy. Osy ýaqyt aralyǵynda saýalǵa jaýap berilmese, ishki ister organdary QR zańnamasy boiynsha qazaqstandyq tólqujatty talap etýge quqyly», - dedi Sabyrjan Seitjanov.
Spikerdiń aitýynsha, azamattardyń kópshiligi zeinetaqy rásimdeitin kezde bolmasa basqa da mańyzdy jumystar bolǵan kezde qujat aýystyrýǵa kirisedi.
«Bul máseleni keiinge qaldyrýǵa bolmaidy. Qujat alý úshin olar kelgen jeriniń kóshi-qon qyzmetine júginse bolady. Sonymen qatar, adam quqyǵyn qorǵaý biýrosynyń bólimshesine, «Sana Sezim» birlestiginiń keńselerine júgine alady»,- dedi ol.
Aita ketý kerek, Qazaqstanda 6 myń adam Keńes odaǵynyń qyzyl tólqujatymen ómir súrip jatyr.
