الماتىدا 2000 اسا تۇرعىن كسرو ٷلگٸسٸندەگٸ تٶلقۇجاتپەن جٷرگەن. بۇل تۋرالى ونلاين بريفينگ بارىسىندا قر ٸٸم كٶشٸ-قون قىزمەتٸ كوميتەتٸ تٶراعاسىنىڭ ورىنباسارى سابىرجان سەيتجانوۆ ايتتى, دەپ حابارلايدى "ۇلت اقپارات".
ونىڭ سٶزٸنە قاراعاندا, ٸشكٸ ٸستەر ورگاندارى قازاقستان رەسپۋبليكاسىندا جارامسىز تٶلقۇجاتپەن ٶمٸر سٷرٸپ جاتقان ادامداردى انىقتاۋ جۇمىسىن جٷرگٸزٸپ جاتىر.
«800 ادام كەڭەس وداعىنىڭ قىزىل تٶلقۇجاتىن قازاقستاندىق تٶلقۇجاتقا اۋىستىرىپ ٷلگەردٸ. تاعى 1700 ادام بىلتىر قۇجاتىن اۋىستىرعان ەدٸ. جالپى العاندا قازاقستاندىقتاردىڭ 60%-ى تٶلقۇجات اۋىستىرۋعا ٶتٸنٸش بەرگەن. تاعى 30% - ۇلتتىق تٶلقۇجاتى بار ادامدار, 10% - ازاماتتىعى جوق تۇلعالار. الايدا بيىل قىركٷيەكتەن باستاپ ساۋالدىڭ ورىندالۋى 6 ايدان اسپاۋى تيٸس دەگەن بۇيرىققا قول قويىلدى. وسى ۋاقىت ارالىعىندا ساۋالعا جاۋاپ بەرٸلمەسە, ٸشكٸ ٸستەر ورگاندارى قر زاڭناماسى بويىنشا قازاقستاندىق تٶلقۇجاتتى تالاپ ەتۋگە قۇقىلى», - دەدٸ سابىرجان سەيتجانوۆ.
سپيكەردٸڭ ايتۋىنشا, ازاماتتاردىڭ كٶپشٸلٸگٸ زەينەتاقى رەسٸمدەيتٸن كەزدە بولماسا باسقا دا ماڭىزدى جۇمىستار بولعان كەزدە قۇجات اۋىستىرۋعا كٸرٸسەدٸ.
«بۇل مەسەلەنٸ كەيٸنگە قالدىرۋعا بولمايدى. قۇجات الۋ ٷشٸن ولار كەلگەن جەرٸنٸڭ كٶشٸ-قون قىزمەتٸنە جٷگٸنسە بولادى. سونىمەن قاتار, ادام قۇقىعىن قورعاۋ بيۋروسىنىڭ بٶلٸمشەسٸنە, «سانا سەزiم» بٸرلەستٸگٸنٸڭ كەڭسەلەرٸنە جٷگٸنە الادى»,- دەدٸ ول.
ايتا كەتۋ كەرەك, قازاقستاندا 6 مىڭ ادام كەڭەس وداعىنىڭ قىزىل تٶلقۇجاتىمەن ٶمٸر سٷرٸپ جاتىر.
