Almatyda tólenbegen aiyppuldary kóp kólikterdi anyqtaý boiynsha reid barysynda 20-dan astam kólik ustaldy, dep habarlaidy ult.kz.
Ákimshilik politsiianyń málimetinshe, sońǵy bes kúnde aiyppul qaryzy edáýir kólemge jetken kólikter anyqtalyp, arnaiy turaqqa qoiylǵan. Olardyń basym bóligi sheteldik tirkeýde bolǵan. Qazaqstandyq nómirli kólikter de bar.
Eń iri qaryz Qyrǵyzstanda tirkelgen BMW kóligine tiesili. Onyń iesiniń tólenbegen aiyppuldary 1,7 mln teńgeden asqan.
Kólikter aqparattyq júieler men beinebaqylaý kameralary arqyly anyqtalǵan.
Politsiia tólenbegen aiyppuldar joiylmaitynyn eskertti. Qaryz kólemi ulǵaiǵan jaǵdaida kólik zańnamaǵa sáikes ýaqytsha ustalyp, arnaiy turaqqa jetkizilýi múmkin.
