Almatyda 17 konfessiianyń 180 dini birlestigi tirkelgen. Dini birlestikterdiń san alýandyǵyna qaramastan qaladaǵy dini ahýal turaqty ári baqylaýda tur, dep habarlaidy QazAqparat tilshisi.
Qalalyq Qoǵamdyq damý basqarmasynan málim etkendei, Almatyda 17 konfessiianyń 180 dini birlestigi jumys istep tur. 113 dini nysan onyń ishinde 50 meshit, 19 pravoslav shirkeýi, 2 katolik shirkeýi, 1 sinagoga, sondai-aq Von-býdda konfessiiasynyń - 1, protestant konfessiiasynyń – 34, Iegova kýágerleriniń – 4 jáne Bahai qoǵamynyń 1 ǵimaraty bar.
Desek te, qalada dini nanym senimi qalyptasqan adamdardyń basym kópshiligi musylmandar men pravoslavty hristiandar bolyp tabylady.
Almatydaǵy meshitterge kúnine 70 myń adam keledi, pravoslav shirkeýlerinde 20 myń adam ǵibadat jasaidy. Katolik shirkeýine - 500 adam, sinagogalarǵa - 200 adam, býdda hramyna 100 adamǵa jýyq keledi.
Qalada 4 dini oqý orny resmi jumys istep tur: «Nur Múbárak» Mysyr islam mádenieti ýniversiteti, QMDB janyndaǵy imamdardyń biliktiligin arttyrý institýty, «Abý-Hanifa» kolledj-medressesi, Almaty pravoslav shirkeýiniń dini seminariiasy tirkelgen.
Búginde Alataý, Bostandyq, Naýryzbai, Túrksib aýdandarynda bir-bir meeshitten boi kóterdi. Atalmysh din úilerine barlyǵy 10,3 myń adam siiady dep josparlanǵan.
Almaty meshitterinde 208 myń adam qyzmet etedi. Qalada 8 namazhana ashylǵan.
Pravoslav shirkeýine kelýshilerdiń sany Rojdestvo men Pasha kezinde artady. Al ádette pravoslav shirkeýlerine hristiandardyń 30 paiyzy ǵana keledi.
Oǵan qaramastan Túrksib, Jetisý, Bostandyq aýdandarynda 3 pravoslav shirkeýiniń qurylysy bastalmaq.
Rim Katolik shirkeýiniń kelýshileri Rojdestvo men Pashada 400 adamǵa jetedi.
Búginde qalaǵa álemniń 21 elinen missionerler kelgen.
«Zaiyrly memleket qaǵidalaryna sáikes dini konfessiialardyń kóptigine qaramastan Almatyda dini ahýal turaqty. Bul salany qala biligi baqylaýda ustap otyr», - dedi qalalyq Azamattyq damý basqarmasynyń bas mamany Samat Qabylbekov.
