Almatyda jyl basynan beri 142 adam tarihi otanyna oralyp, QR azamattyǵyn aldy, dep habarlaidy "Ult aqparat".
Almaty qalasy kóshi-qon qyzmetiniń málimetteri boiynsha, 2020 jyly 731 qandas Qazaqstan Respýblikasynyń azamattyǵyn aldy. Biylǵy jyldyń eki aiynda 142 adamǵa azamattyq berildi.
«Bul - negizinen Qytai men Ózbekstannan kelgender. Bul jerde azamattyq alýdyń ońailatylǵan túri respýblikada aǵymdaǵy jyldyń 1 qańtarynan bastap jumys istep kele jatqanyn atap ótý mańyzdy.Endi qandas bir ýaqytta qujattardy jáne sáikesinshe turýǵa yqtiiarhat alý úshin de, Qazaqstan Respýblikasynyń azamattyǵyn alýǵa da ótinishti bere alady. Ortasha alǵanda, qarastyrý merzimi shamamen úsh aiǵa sozylady, – dedi Almaty qalalyq PD kóshi-qon qyzmeti basqarmasynyń bastyǵy Ashat Býtýnchinov.
Bul múmkindikti Qytaidan kelgen 21 jastaǵy Ersin Aqiqat pen 30 jastaǵy Arai Sydyq paidalandy.
«Biz óz Otanymyzǵa oraldyq. Maǵan jeke kýálikti ulttyq merekemiz Naýryz meiramy qarsańynda tapsyrǵany kóńilge qonymdy. Men muny joǵarydan berilgen belgi dep sanaimyn»,- dedi Arai Sydyq.
«Kóshi-qon qyzmeti qyzmetkerlerine túsinistik pen qoldaý kórsetkeni úshin alǵys aitamyn. Búgin men azamattyq aldym óte qýanyshtymyn», – dedi óz kezeginde Ersin Aqiqat.
