الماتىدا جىل باسىنان بەرٸ 142 ادام تاريحي وتانىنا ورالىپ, قر ازاماتتىعىن الدى, دەپ حابارلايدى "ۇلت اقپارات".
الماتى قالاسى كٶشٸ-قون قىزمەتٸنٸڭ مەلٸمەتتەرٸ بويىنشا, 2020 جىلى 731 قانداس قازاقستان رەسپۋبليكاسىنىڭ ازاماتتىعىن الدى. بيىلعى جىلدىڭ ەكٸ ايىندا 142 ادامعا ازاماتتىق بەرٸلدٸ.
«بۇل - نەگٸزٸنەن قىتاي مەن ٶزبەكستاننان كەلگەندەر. بۇل جەردە ازاماتتىق الۋدىڭ وڭايلاتىلعان تٷرٸ رەسپۋبليكادا اعىمداعى جىلدىڭ 1 قاڭتارىنان باستاپ جۇمىس ٸستەپ كەلە جاتقانىن اتاپ ٶتۋ ماڭىزدى.ەندٸ قانداس بٸر ۋاقىتتا قۇجاتتاردى جەنە سەيكەسٸنشە تۇرۋعا ىقتييارحات الۋ ٷشٸن دە, قازاقستان رەسپۋبليكاسىنىڭ ازاماتتىعىن الۋعا دا ٶتٸنٸشتٸ بەرە الادى. ورتاشا العاندا, قاراستىرۋ مەرزٸمٸ شامامەن ٷش ايعا سوزىلادى, – دەدٸ الماتى قالالىق پد كٶشٸ-قون قىزمەتٸ باسقارماسىنىڭ باستىعى اسحات بۋتۋنچينوۆ.
بۇل مٷمكٸندٸكتٸ قىتايدان كەلگەن 21 جاستاعى ەرسٸن اقيقات پەن 30 جاستاعى اراي سىدىق پايدالاندى.
«بٸز ٶز وتانىمىزعا ورالدىق. ماعان جەكە كۋەلٸكتٸ ۇلتتىق مەرەكەمٸز ناۋرىز مەيرامى قارساڭىندا تاپسىرعانى كٶڭٸلگە قونىمدى. مەن مۇنى جوعارىدان بەرٸلگەن بەلگٸ دەپ سانايمىن»,- دەدٸ اراي سىدىق.
«كٶشٸ-قون قىزمەتٸ قىزمەتكەرلەرٸنە تٷسٸنٸستٸك پەن قولداۋ كٶرسەتكەنٸ ٷشٸن العىس ايتامىن. بٷگٸن مەن ازاماتتىق الدىم ٶتە قۋانىشتىمىن», – دەدٸ ٶز كەزەگٸندە ەرسٸن اقيقات.
