Almaty politsiiasy urlanǵan altyn jasyrylǵan oryndy tapty, - dep habarlaidy "Ult aqparat" Polisia.kz saityna silteme jasap.
Jetisý aýdandyq Politsiia basqarmasy málimetinshe, 12 tamyzǵa qaraǵan túni qaladaǵy bazarlardyń birinde altyn-kúmis áshekei buiymdary urlanǵan.
– QR QK-niń 188-baby 4-bóligi (Urlyq) boiynsha tergelip jatqan qylmystyq is materialdaryna sáikes, qaskói bazardyń altyn satatyn qataryna túnde kirip ketken. Ol segiz saýda ornynyń sórelerin syndyryp, ózimen birge 100 mln teńgeniń áshekei buiymdaryn alyp ketken. Bul qylmysty ashý maqsatynda tergeý-jedel toby quryldy. Bazardaǵy beinebaqylaý júielerine taldaý jasaldy. Kúdiktiniń jeke basy birden anyqtaldy. Bul – 35 jastaǵy A. esimdi azamat. Ol Qonaev qalasyndaǵy qonaqúilerdiń birinde ustaldy. Kúdikti sol jerde ýaqytty ótkizýdi josparlaǵan kórinedi, – dedi Jetisý aýdandyq Politsiia basqarmasynyń bastyǵy Darhan Musanov.
Qaskóidiń urlaǵan múlikti jasyrǵan jeri anyqtaldy. Ol altyndardy qala shetindegi shól dalaǵa jasyrǵan. Zattai aiǵaqtar tárkilendi.
QR QPK-niń 128-babyna (Ustap alý negizderi) sáikes A. esimdi azamat ýaqytsha ustaý izoliatoryna qamaldy. Bultartpaý sharasy retinde sot qamaýǵa alýdy sanktsiialady.
