Almaty qalasynyń bilim basqarmasy birinshi qyrkúiekten beri oqý protsesin uiymdastyrý boiynsha qandai jumystar júrgizilgenin aitty, dep habarlaidy "Ult aqparat".
Bilim basqarmasynyń málimetine sáikes, qalada 270 myńnan astam oqýshyny qamtityn 207 memlekettik mektep jáne 17 myńnan astam oqýshyǵa arnalǵan 69 jekemenshik mektep bar.
Epidemiologiialyq jaǵdaiǵa bailanysty balalardyń jáne muǵalimderdiń densaýlyǵy men qaýipsizdigin saqtaý maqsatynda qaladaǵy 205 memlekettik mektepte oqý jyly qashyqtan oqý formatynda bastaldy.
«Kólsai» jáne «Sulýsai» yqshamaýdanynda ornalasqan № 194 jáne197 jalpy bilim beretin mektepter oqýshy sanynyń az bolýyna bailanysty oqý jylyn shtattyq rejimde bastady.
Oqýdyń 1-toqsany aiaqtalyp, 2-toqsannyń eki aptasy ótti, oqý protsesi josparly túrde bastalyp, júieli jáne birqalypty júrýde.
Qazirgi ýaqytta mektep oqýshylarynyń 94% qashyqtan oqyp jatyr. Qashyqtan oqytýdy sapaly uiymdastyrý úshin Bilim jáne ǵylym ministrliginiń №345 buiryqpen bekitilgen «Ádistemelik usynymdaryn» basshylyqqa ala otyryp, birqatar jumys atqarylýda.
«Birinshiden, oqýshylar kompiýterlik tehnikamen 100% qamtamasyz etildi. Ekinshiden, bilim basqarmasy tsifrlandyrý basqarmasymen jáne aýdandyq ákimdiktermen birlesip internet jyldamdyǵy tómen 169 jerde qosymsha mobildi bazalyq stansa ornatty. Sondai-aq, internetke qosylýdy qajet etetin 30 myńnan astam oqýshyǵa SIM kartalar taratyldy. Úshinshiden, oqý protsesin qashyqtan uiymdastyrý úshin mektep internet-platformany tańdady» dep habarlady qalalyq bilim basqarmasynyń baspasóz qyzmeti.
Oqý jyly bastalar aldynda Almaty qalasynyń bilim basqarmasy 15 myńnan astam muǵalimge qashyqtan oqytý platformalaryn qoldaný boiynsha trening ótkizdi.
«Bekitilgen keste boiynsha qashyqtan oqytýdyń sapasy men qol jetimdiligin turaqty baqylaýdy qamtamasyz etý úshin qalalyq ádistemelik kabinettiń ádiskerleri muǵalimderge ádistemelik kómek kórsetý maqsatynda onlain rejiminde sabaqqa qatysyp otyrady. Qalalyq ǵylymi-ádistemelik ortalyq Bilim jáne ǵylym ministrliginiń buiryǵymen bekitilgen ádistemelik usynymdardy basshylyqqa ala otyryp, qalada qashyqtyqtan oqytý týraly nusqaýlyq, erejeler daiyndap, bilim berý uiymdaryna jiberdi. Osy erejege sáikes ár mektepte erejeler jasaldy. Bilim berý mekemelerinde qashyqtan oqytý tehnologiialaryn qoldana otyryp, oqý protsesin ádistemelik jáne tsifrlyq qoldaý boiynsha is-sharalar jospary ázirlendi» dep atap ótti basqarmadan.
Ár muǵalimniń ýaqytyn únemdeý maqsatynda qalada 277 muǵalimnen turatyn arnaiy top quryldy, olar ár pán boiynsha 1-11 synyptarǵa tezister jasady.
Sonymen qatar, №159 gimnaziia bazasynda bastaýysh mektep úshin telesabaqtar túsirilip jatyr. Búgingi kúni 1 000-nan astam sabaq túsirildi, olar «Balapan» (qazaq tilinde), «El arna» (orys tilinde) telearnalarynda kórsetiledi.
«Oqý jylynyń basynan bastap ata-analar ótinishin únemi qadaǵalap otyrý úshin bilim basqarmasy jáne barlyq aýdandyq bilim bólimderi oqýshylardyń ata-analarymen oqý úderisin uiymdastyrýdyń barlyq máseleleri boiynsha aqparattyq-túsindirý jumystaryn júrgizedi.
Sonymen qatar, qalanyń 145 (70%) mektebinde 15488 balany qamtyǵan 1-shi men 5 synyptar úshin syiymdylyǵy 15 adamnan aspaityn, 1 211kezekshi synyp uiymdastyryldy. Kezekshi synyptardyń qyzmeti sanitarlyq epidemiologiialyq talaptardy qatań saqtai otyryp júzege asyrylady.
Kezekshi synypta oqýǵa sozylmaly aýrýlary joq balalar jiberiledi. Kezekshi synyptarda balalardyń oqýyn tańdaý quqyǵy balalardyń ata-analaryna nemese zańdy ókilderine tiesili.
Kezekshi synyptardyń jumys isteýine qoiylatyn talaptar:
1) synyptyń tolymdylyǵy – 15 baladan artyq emes;
2) sabaqtyń uzaqtyǵy – 40 minýt;
3) mektepke kirý kezinde bilim alýshylardyń temperatýrasyn kúndelikti ólsheý;
4) úzilister ártúrli synyptar úshin ár ýaqytta;
5) maska rejimin qamtamasyz etý;
6) áleýmettik alshaqtyqty saqtaý, partalardy 1,5-2 metr qashyqtyqta ornalastyrý;
7) ár sabaqtan keiin kabinetterdi jeldetý, kvartstaý;
8) ár sabaqtan keiin qoldy jýý jáne arnaiy quraldardy qoldaný;
Qoǵamdyq densaýlyq saqtaý departamenti kúndelikti mektep oqýshylarynyń COVID-19 aýyrǵan týraly taldaýdy júrgizip otyrady.
