Almaty zoobaǵyna eresekter úshin kirý bileti 100 teńgege kóteriledi.
Almaty zoobaǵyna kirý bileti eresekter úshin 100 teńgege qymbattaidy. Iaǵni, 900 teńge bolady.
Almaty ákimdiginiń qaýlysy «Ashyq NQA» portalynda jariialandy.
«Qaýlyǵa sáikes, Almaty qalasy mádeniet basqarmasynyń «Almaty haiýanattar baǵy» kommýnaldyq memlekettik qazynalyq kásiporny jergilikti mańyzy bar erekshe qorǵalatyn tabiǵi aýmaqtarda kórsetetin qyzmetteri úshin tarifter mólsheri bekitilsin», - delingen qujatta.
Búgingi kúni eresek kelýshilerge arnalǵan bilet quny 800 teńge. Al 7 men 12 jas aralyǵyndaǵy balalarǵa arnalǵan baǵa ózgerissiz qalady - 300 teńge.
Almaty qalasy mádeniet basqarmasynyń «Almaty haiýanattar baǵy» kommýnaldyq memlekettik qazynalyq kásiporny tiisti qujattardy usynǵan jaǵdaida tómengi tulǵalarǵa qyzmetti tegin usynady:
- Uly Otan soǵysy qatysýshylary men múgedekterine;
- múgedekterge;
- densaýlyq jaǵdaiy boiynsha múgedekti ertip júretin adamǵa;
- zeinetkerlerge;
- «Altyn alqa», «Kúmis alqa» iegeri bolyp tabylatyn nemese «Batyr ana» ataǵyn alǵan, I jáne II dárejeli «Ana dańqy» ordenimen marapattalǵan analarǵa;
- jeti jasqa deiingi balalarǵa;
- jetim balalarǵa jáne ata-ana qamqorynsyz qalǵan on segiz jasqa tolmaǵan balalarǵa;
- merzimdi qyzmettegi áskeri qyzmetkerlerge.
