Almaty zoobaǵynda arystannyń ólgen kúshiginiń sýreti kópshiliktiń alańdaýshylyǵyn týdyrdy, dep habarlaidy "Ult aqparat".
Bul sýretterdi áleýmettik jelide Vladimir Kaliýp jariialaǵan bolatyn.
Ol qala ákimine zoobaqtaǵy tozyǵy jetken karantindik-emdeý aýmaǵyn jasaqtaýǵa qarajat bólýdi surady.
Almaty zoobaǵy bul sýretke qatysty túsinik berdi. Olardyń aitýynsha, bul - eski sýret.
«Afrika arystanynyń «Assol» atalǵan kúshigi Almaty zoobaǵyna 18 maýsymda 7-8 ailyǵynda túsken. Zoobaq veterinarlary tolyq tekserý jasady. Sol kezde mamandar leptospiroz, psevdotýberkýlez, pasterellez, iersinioz, panleikopiniia, ótkir kataraldy gemorrogiialyq enterit, kataraldy gastrit, gemmorragiialyq limfadenit, júreginiń úlkeiýi, kataraldy tsistit, baýyr, búirek distrofiiasy, tik ishektiń jarasy degen diagnoz qoiyldy. Em tolyq jasaldy. Oǵan qaramastan taǵy ań kúshigi byltyr 9 shildede ólgen bolatyn», - dedi zoobaqtan.
Sonymen qatar, 2020 jyly zoobaq damýynyń josparyna sáikes jańa veterinarlyq bólim qurylysyna jobalyq smetalyq qujattama jasalǵan.
«Ókinishke orai, 2020 jyly naýryzda COVID-19 pandemiiasyna bailanysty tótenshe jaǵdai jariialanǵan bolatyn. Soǵan bailanysty qurylys jumystary toqtatyldy. Qazirgi tańda Almaty zoobaǵynyń veterinarlyq bólimi barlyq jabdyqtarmen qamtylǵan. Rentgen apparat, ÝZD apparat, oksigenerator, monitor, video endoskop, EKG apparat, IVL apparat, ingaliatsiialyq narkoz apparaty, dári dármek barlyǵy bar», - dedi zoobaqtan.
