Túrksib aýdanynda jolda eki er adam arasynda janjal shyǵyp, bireýi buryshpen oqtalǵan signaldyq tapanshany qoldandy, dep habarlaidy "Ult aqparat".
Almaty qalalyq Politsiia departamentiniń málimetinshe, «BMW» kóliginiń júrgizýshisi men «Hyundai» avtokóliginiń jolaýshysy arasyndaǵy janjal Bekmahanov-Spasskaia kósheleriniń qiylysynda boldy.
«Janjal kezinde «BMW» júrgizýshisi tapanshany alyp, qarsylasyna oq atty. Meili, ol buryshpen oqtalǵan bolsa da, oq atqan adamnyń áreketi buzaqylyq dep esepteledi. Iaǵni, QR QK-niń 293-baby, 3-bóligi, 2-tarmaǵyna jatady. Mundai áreket úshin 3 jyldan 7 jylǵa deiin bas bostandyǵynan aiyrylýy múmkin», - dedi Túrksib aýdandyq politsiia basqarmasynyń ókili Maqsat Qanapiaev.
Jedel-izdestirý sharalary barysynda kúdikti ustaldy. Ol - 1993 jyly týǵan B. esimdi azamat.
Signaldyq tapansha tárkilendi jáne qylmystyq is materialdaryna engizildi.
