Foto: Gov.kz
Almaty ákimi Darhan Satybaldy jańa oqý jylyna daiyndyq máseleleri boiynsha jiyn ótkizdi.
Konstitýtsiia kúni men Bilim kúnine orai «Keleshek mektepteri» jobasy aiasynda qalada 12 myń orynǵa arnalǵan 7 jańa mektep ashylady. Olar keń synyptarmen, zamanaýi zerthanalarmen, sport jáne akt zaldarymen jabdyqtalǵan. Balalardyń jaily oqýy men jan-jaqty damýyna barlyq jaǵdai jasalǵan.
Jańa oqý jylynda joǵary bilikti pedagogtar jumysqa kirisedi. Muǵalimderdiń jartysy enbek.kz portaly arqyly konkýrstyq irikteýden ótken.
Sonymen qatar, oqýshylardy qaýipsiz ári yńǵaily tasymaldaýdy qamtamasyz etetin «Mektep avtobýsy» jobasy jalǵasýda.
1 qyrkúiekte birinshi synyp oqýshylary men túlekter úshin saltanatty jiyndar ótedi. Qalǵan synyptar úshin 2 qyrkúiekte Bilim kúnine arnalǵan synyp saǵattary uiymdastyrylady.
