Almaty haiýanattar baǵynda kerqulannyń (Prjevalskii jylqysy) qulyny týdy, dep habarlaidy ult.kz.
Qulynǵa Jelmaia degen at qoiyldy. Onyń enesi – Qurbankúl bieniń bul ekinshi tóli.
Kerqulan – Qazaqstan Respýblikasynyń Qyzyl kitabyna jáne Tabiǵatty qorǵaýdyń halyqaralyq odaǵynyń (IUCN) Qyzyl tizimine engizilgen jabaiy jylqynyń eń sirek túrleriniń biri. Haiýanattar baǵynda tól alý osy túrdiń genetikalyq ártúrliligin saqtaýǵa jáne turaqty popýliatsiiasyn qalyptastyrýǵa baǵyttalǵan halyqaralyq tabiǵat qorǵaý baǵdarlamalarynyń mańyzdy bóligi sanalady.
Qazirgi ýaqytta Qurbankúl, qulyny Jelmaia jáne aiǵyr Merei kelýshilerge jabyq arnaiy aimaqta mamandardyń turaqty baqylaýynda. Bieniń de, qulynnyń da jaǵdaiy jaqsy, tól qalypty ósip-jetilip keledi.
