Almaty haiýanattar baǵyndaǵy sirek janýarlardyń birneshe juby tóldedi. Kóktemgi tóldeý maýsymy aiasynda aqqol gibbondar men saqinaly quiryqty lemýrlardyń tóli dúniege keldi, dep habarlaidy ult.kz.
Erekshe oqiǵanyń biri – saqinaly quiryqty lemýrlardyń eki jubynda birdei egiz tóldiń týýy. Tólder 6 jáne 17 naýryzda týǵan. Qazir enesimen birge mamandardyń turaqty baqylaýynda.
Sonymen qatar 6 naýryz aqqol gibbonnyń tóli dúniege keldi. Ol Almaty haiýanattar baǵynda birneshe urpaq boiy jalǵasyp kele jatqan gibbondar áýletiniń jańa ókili.
Tóldiń ákesi Djim men ájesi Djýliia da osy zoobaqta týǵan. Al onyń arǵy atasy Tabindi haiýanattar baǵynyń turaqty kelýshileri men qyzmetkerleri jaqsy tanidy.
Kún jylynǵan soń janýarlar jazǵy qorshaýǵa shyǵa bastady. Endi kelýshiler olardyń tabiǵi ortaǵa barynsha jaqyn jaǵdaida tirshilik etýin tamashalai alady.
