Almaty turǵyny joq Toyota kólikterin satqan, – dep habarlaidy Polisia.kz.
Almaty qalalyq politsiia departamentiniń málimetinshe, kúdikti - 43 jastaǵy S. esimdi er adam naryq baǵasynan tómen baǵamen Toyota Camry 40 kóligin “satqan”. Alaiaqtyq maqsattaryn júzege asyrý úshin er adam birneshe uialy telefon qoldanǵan.
Ol ózin kólik iesimin, keiin lombard qyzmetkerimin nemese Halyqqa qyzmet kórsetý ortalyǵynyń qyzmetkerimin dep tanystyrǵan.
– Eń ótimdi kólikterdiń birin arzan baǵamen satyp alǵysy keletinder kóp boldy. Kelissózder barysynda alaiaq jábirlenýshilerdi klient kóp dep túsindirip, aldyn ala tólem tóleýge asyqtyrdy. Aqsha aýdarǵan soń qaskói telefondy óshirip tastaǵan. Ustalǵan azamatqa qatysty QR QK-niń 190-baby boiynsha sotqa deiingi tergeý amaldary bastaldy, – dedi Alataý aýdandyq Politsiia basqarmasynyń bastyǵy Iliias Ómirserikov.
Belgili bolǵandai, qazirgi ýaqytta S.esimdi azamattyń qatysýymen 15 alaiaqtyq faktisi anyqtaldy. Ol ýaqytsha ustaý izoliatoryna qamaldy.
Politseiler osy adamnyń áreketinen zardap shekken azamattardy myna telefon nómirleri boiynsha habarlasýlaryńyzdy suraidy: 227-55-02; 8-708-380-54-00; 8-775-663-94-36.
