الماتى تۇرعىنى جوق Toyota كٶلٸكتەرٸن ساتقان, – دەپ حابارلايدى Polisia.kz.
الماتى قالالىق پوليتسييا دەپارتامەنتٸنٸڭ مەلٸمەتٸنشە, كٷدٸكتٸ - 43 جاستاعى س. ەسٸمدٸ ەر ادام نارىق باعاسىنان تٶمەن باعامەن Toyota Camry 40 كٶلٸگٸن “ساتقان”. الاياقتىق ماقساتتارىن جٷزەگە اسىرۋ ٷشٸن ەر ادام بٸرنەشە ۇيالى تەلەفون قولدانعان.
ول ٶزٸن كٶلٸك يەسٸمٸن, كەيٸن لومبارد قىزمەتكەرٸمٸن نەمەسە حالىققا قىزمەت كٶرسەتۋ ورتالىعىنىڭ قىزمەتكەرٸمٸن دەپ تانىستىرعان.
– ەڭ ٶتٸمدٸ كٶلٸكتەردٸڭ بٸرٸن ارزان باعامەن ساتىپ العىسى كەلەتٸندەر كٶپ بولدى. كەلٸسسٶزدەر بارىسىندا الاياق جەبٸرلەنۋشٸلەردٸ كليەنت كٶپ دەپ تٷسٸندٸرٸپ, الدىن الا تٶلەم تٶلەۋگە اسىقتىردى. اقشا اۋدارعان سوڭ قاسكٶي تەلەفوندى ٶشٸرٸپ تاستاعان. ۇستالعان ازاماتقا قاتىستى قر قك-نٸڭ 190-بابى بويىنشا سوتقا دەيٸنگٸ تەرگەۋ امالدارى باستالدى, – دەدٸ الاتاۋ اۋداندىق پوليتسييا باسقارماسىنىڭ باستىعى ٸليياس ٶمٸرسەرٸكوۆ.
بەلگٸلٸ بولعانداي, قازٸرگٸ ۋاقىتتا س.ەسٸمدٸ ازاماتتىڭ قاتىسۋىمەن 15 الاياقتىق فاكتٸسٸ انىقتالدى. ول ۋاقىتشا ۇستاۋ يزولياتورىنا قامالدى.
پوليتسەيلەر وسى ادامنىڭ ەرەكەتٸنەن زارداپ شەككەن ازاماتتاردى مىنا تەلەفون نٶمٸرلەرٸ بويىنشا حابارلاسۋلارىڭىزدى سۇرايدى: 227-55-02; 8-708-380-54-00; 8-775-663-94-36.
