Almaty turǵyny óz ómirin qaterge tigip, órtenip jatqan páterden zeinetkerdi alyp shyqty, - dep habarlaidy Tengrinews.kz agenttigi.
Er adamnyń erligi beinebaqylaý kamerasyna túsip qalyp, áleýmettik jelide jariialandy. Videoda kópqabatty úidiń birinshi qabatynyń qalai órtenip jatqanyn kórsetiledi. Sondai-aq, áiel adamnyń janyp jatqan ǵimaratqa kirmeýdi ótingeni estiledi.
Artynsha er adam álsiregen adamdy kóshege kóterip shyǵady.
Tótenshe jaǵdailar departamentiniń málimetinshe, oqiǵa 20 qarashada Naýryzbai aýdanyndaǵy "Shuǵyla siti" turǵyn úi kesheninde bolǵan. Tańǵy saǵat 5:20 shamasynda órt sóndirý bólimderine qońyraý túsken.
"Kelgen kezde toǵyz qabatty turǵyn úidiń birinshi qabatyndaǵy páterde turmystyq zattar men jihaz órtenip, turǵyndardyń ómiri men densaýlyǵyna qaýip tóngenin anyqtadyq", - deidi vedomstvo ókili.
Qabyldanǵan sharalardan keiin 10 minýttan soń órt oqshaýlanǵan. Alaida órt sóndirýshiler kelgenge deiin úide 1950 jyly týǵan úi iesi bolǵan. Ony osy turǵyn úi kesheniniń 30 jastaǵy turǵyny Erkebulan Janahmetov qutqaryp qalǵan. Ol óz ómirin qaterge tigip, operatsiiadan keiin óz betimen qozǵala almaityn qart adamdy aman alyp qalǵan.
