Almaty ákimi Baqytjan Saǵyntaev Memleket basshysynyń atynan Táýelsizdik kúnine orai memlekettik marapattardy tapsyrdy, dep habarlaidy "Ult aqparat".
Joǵary nagradalarmen marapattalǵandardyń arasynda dáriger, muǵalim, qoǵam qairatker, shyǵarmashylyq jáne ǵylymi ziialy qaýym ókilderi bar. Táýelsizdik kúnine orai Almaty qalasynyń 76 turǵyny marapatqa ie boldy.
Saltanatty jiynǵa qatysýshylar aldynda sóilegen sózinde Almaty qalasynyń ákimi Baqytjan Saǵyntaev Táýelsizdiktiń qundy mereke ekenin atap ótti.
«Búgingi Qazaqstan – tabysty, qarqyndy damyp kele jatqan memleket, al bizdiń qalamyz Almaty – Táýelsizdiktiń altyn besigi. Táýelsizdik jylnamasynda almatylyqtardyń da úlesi bar ekenin maqtanyshpen aita alamyz. Osy ýaqyt ishinde biz mańyzdy jetistikterge qol jetkizdik. Almaty biznes pen jeke kapital shoǵyrlanǵan qalaǵa ainalyp, el ekonomikasynyń besten bir bóligin jáne respýblikalyq biýdjettiń úshten bir bóligin qurady. Osy jetistikterdiń barlyǵy - memleket jáne qoǵam qairatkerleriniń, ǵylym men bilim, mádeniet jáne sport, densaýlyq saqtaý, azamattyq qoǵam, memlekettik qyzmetshiler jáne áleýmettik qorǵaý, energetika, kommýnaldyq sharýashylyq, kásipkerlik ókilderiniń eńbegi. Búgin sizderdiń elimiz ben megapolistiń damýyna qosqan úlesterińiz joǵary memlekettik nagradalarmen laiyqty túrde marapattaldy», - dedi Almaty ákimi B. Saǵyntaev.
II dárejeli «Dostyq» ordenimen Qazaqstan-Frantsiia Iskerlik keńesiniń teń tóraǵasy A. Káribjanov marapattaldy.
«Qurmet» ordenine 11 almatylyq ie boldy, olardyń arasynda №5 emhana bas dárigeriniń orynbasary A. Ábdrahmanova, eńbek ardageri Z. Ahmetova, №169 mektep-litseidiń direktory G. Bekenova, Onkologiia jáne radiologiia institýtynyń direktory D. Qaidarova, «Qazaq ádebieti» gazetiniń bas redaktory D. Qýat, kompozitor, «Qazaq avtorlar qoǵamy» RQB tóraǵasy B. Qydyrbek jáne basqalary bar.
III dárejeli «Eńbek Dańqy» ordenimen «Almaty Elektrotrans» JShS trolleibýs júrgizýshisi R. Qalmuhambetovtiń, «Almatymetroqurylys» AQ taý-ken sheberi T. Qońyratovtyń, «Konkrit Prodakts» JShS beton buiymdary tsehynyń sheberi A. Sinishinniń eńbegi elendi.
Birqatar turǵyn «Eren eńbegi úshin» medalimen marapattaldy. Olardyń arasynda: Qazaqstan jazýshylar odaǵy Basqarma tóraǵasynyń orynbasary Aqberen Elgezek,№83 gimnaziianyń fizika pániniń muǵalimi L. Aratai, «Almatynyń ElektroShit zaýyty» JShS direktory M. Aýmoldaev, «Balalar men jasóspirimderdiń keshendi №5 mamandandyrylǵan sport-tehnikalyq mektebi» MKQK aǵa jattyqtyrýshysy K. Eshenko bar.
«Shapaǵat» medalimen «Perinatologiia jáne balalar kardiohirýrgiiasy ortalyǵy» MQK direktory G. Bodyqovtyń, «Ortalyq qalalyq klinikalyq aýrýhana» MQK-nyń somatika bóliminiń aǵa medbikesi R. Omarovanyń, «№1 qalalyq perzenthana» MQK-nyń akýsher-ginekology P. Sadyqovanyń, «Qazaq onkologiia jáne radiologiia ǵylymi-zertteý institýty» AQ bólim basshysy I. Hýsainovanyń jáne basqalarynyń eńbekteri atalyp ótti.
Bulardan ózge, eriktiler, meditsinalyq-kommýnaldyq mekemelerdiń qyzmetkerleri Qazaqstan Respýblikasynyń jáne Memleket basshysynyń Qurmet gramotalarymen marapattaldy.
