Almaty turǵyndary Qytaida bolǵan jer silkinisiniń dúmpýlerin sezdi.
"Seismikalyq stantsiialar jelisi búgin Almaty ýaqytymen 10:36-da jer silkinisin tirkedi. Onyń oshaǵy Qytai aýmaǵynda, Almatydan ońtústik-shyǵysqa qarai 387 shaqyrym jerde bolǵan", — delingen QR BǴM STÁE saitynda.
Jer silkinisiniń energetikalyq klasy 9.6, magnitýdasy MPV 4.0, tereńdigi 15 shaqyrym.
Sońǵy ret jerasty dúmpýleri Almatyda 26 naýryzda sezilgen edi. Ol kezde jer silkinisiniń epitsentri Qapshaǵai sý qoimasyna jaqyn, Almatydan soltústik-shyǵysqa qarai 68 shaqyrym jerde jáne bes shaqyrym tereńdikte boldy. Magnitýdasy 5,5 qurady. Qalada úsh-tórt baldyq jerasty dúmpýleri sezildi.
Al munyń aldyndaǵy eki-úsh baldyq jer silkinisi 2 aqpanda tirkeldi.
