Almaty men Almaty oblysy shekarasyndaǵy jaryqsyz kóshede bir aptanyń ishinde adam ólimine ákelgen eki jol apaty boldy, - dep habarlaidy Tengrinews.kz.
Almaty men Almaty oblysy shekarasyndaǵy Besaǵash aýyly turǵyny 4 jeltoqsanda Buqtyrma kóshesindegi jaiaý júrginshiler ótkelinde ákesin kólik qaǵyp ketip, mert bolǵanyn habarlady. Júrgizýshi qart adamdy baiqamaǵan, óitkeni jolda jaryq joq.
"Ol jaiaý júrginshiler jolyna deiin jyldamdyǵyn báseńdetpegen, qaǵyp ketkennen keiin ǵana toqtady. Jaqynda meiramhanalarda jumys isteitin qyzdy da dál osylai qaǵyp ketti. Ol da qaza boldy. Apta saiyn jol apaty bolatyn kóshede jaryq joq, tipti jaiaý júrginshiler jolynda jaryq joq", - dep jazdy áiel.
Onyń aitýynsha, Buqtyrma kóshesindegi jol airyǵy ashylǵannan keiin jaǵdai qiyndai túsken. Sondai-aq, ýchaskede "Sergek" kameralary da joq, al júrgizýshiler, áieldiń aitýynsha, asqan jyldamdyqpen júredi. Turǵyndar jol apat bolatyn dál osy ýchaskege Besaǵash aýyly emes, Almaty ákimdigi jaýapty dep sanaidy.
Almaty oblysynyń politsiiasy 25 qarashada 1991 jyly týǵan júrgizýshi jaiaý júrginshiler ótkelinde adamdardy qaqqanyn habarlady. Jol-kólik oqiǵasy saldarynan 2008 jyly týǵan qyz alǵan jaraqattarynan kóz jumǵan, 2006 jyly týǵan ekinshi jaiaý júrginshi túrli jaraqattarmen Talǵar ortalyq aýdandyq aýrýhanasyna jatqyzylǵan. 4 jeltoqsanda júrgizýshi eki aiǵa qamaýǵa alyndy. Is "Abaisyzda adam ólimine ákep soqqan jol qozǵalysy erejesin buzý" baby boiynsha qozǵaldy.
4 jeltoqsanda Toyota Scepter kóliginiń 1989 jylǵy júrgizýshisi de jaiaý júrginshini qaǵyp ketken. 67 jastaǵy er adam qaitys boldy. Sondai-aq, 345-bap boiynsha is qozǵalyp, sot-meditsinalyq saraptama taǵaiyndalǵan.
Tengrinews.kz tilshisi bul ýchaske qai jergilikti atqarýshy organǵa tiesili ekenin bilý úshin Almaty men Almaty oblysynyń ákimdikterine habarlasty.
Almaty oblysynyń ákimdigi málimetinshe, Besaǵash aýylyndaǵy Aeroportskaia (Buqtyrma) kóshesiniń boiyndaǵy jaryqtandyrý jumystary "Besaǵash aýyldyq okrýgi ákiminiń apparaty" MM-niń atynan jergilikti atqarýshy organmen júrgizilmeidi jáne bul Almaty Mobildilik basqarmasynyń qaraýynda.
"Aeroportskaia kóshesin jaryqtandyrý qajettigi týraly osy uiymǵa birneshe ret hat joldandy, sońǵy hat biyl jeltoqsanda jazyldy", - dep habarlady ákimdik.
Óz kezeginde Almaty ákimdigi joldyń aýmaqtyq tiesiligi boiynsha Medeý aýdany ákimdiginiń saýalyna qalalyq josparlaý jáne ýrbanistika basqarmasynan resmi jaýap berdi. Jaýapta Buqtyrma (Aeroportnaia) kóshesiniń Kýljinskii trakt pen Raiymbek dańǵylynyń arasynda ornalasqan ýchaskesi Medeý aýdanyna jatpaityny kórsetilgen.
Osylaisha, eki jergilikti atqarýshy organ da bul alańǵa jáne ony jaryqtandyrýǵa jaýapkershilikti moiyndamady.
