Balalar ombýdsmeni Arýjan Sain Almaty túbindegi ushaq apaty kezinde zardap shekken balalarǵa baryp qaitty. Ol sol reistiń kishkentai jolaýshylarynyń jaǵdaiy týraly aitty.
"Zardap shekken balalardyń tórteýi bir otbasydan eken, jalǵyz asyraýshylary – ákesi qaza boldy. Aýrýhanada Jetisý aýdanynyń ákimi Maqsat Qiqymovty jolyqtyrdyq, ol týystarymen kezdesti. Ákimdik otbasyna kómektesý úshin sharalar qabyldaýda", - dep habarlady Arýjan Sain.
Onyń aitýynsha, Balalarǵa shuǵyl meditsinalyq kómek kórsetý ortalyǵynda eki bala jatyr.
"Úsh balanyń aiaǵy synǵan, bir qyzdyń eki aiaǵyna da zaqym keldi, osy ýaqytqa deiin barlyq operatsiia jasaldy, qyzdardyń biri palatada. Operatsiiadan keiin eki baladan basqasy esin jidy. Olar jan saqtaý bóliminde – uiqyda jatyr, barlyǵy ózdiginen dem alýda. Balalardyń eshqaisynyń ómirine qaýip tónip turǵan joq. Eń kishkentai balalar aýyr jaraqat almaǵan, olardyń ekeýi ázirge jan saqtaý bóliminde", - dep jazdy Sain.
Ol qalanyń barlyq qyzmetine, qutqarýshylarǵa, áskeri qyzmetkerlerge, jedel járdem dárigerlerine, zardap shekkenderdi qutqaryp, qazir kómektesip jatqan klinikalarǵa alǵysyn bildirdi.
Ushaqtyń bólingen jerinde otyrǵan
Bala quqyqtary jónindegi ýákil jaraqat alǵan eń eresek bala týraly aitty. Janqozy tórtinshi qatarda – tereze janynda, ushaqtyń synǵan jerine óte jaqyn jerde otyrǵan.
"Oqiǵa kezinde bala ózin-ózi ustai bildi, eresekterge qulaǵan zattardy alýǵa kómektesti. Al syrtqa shyqqanda tótenshe jaǵdailar qyzmetkerleri men áskerilerge ol jerdi tazartýǵa, kirpish tasýǵa kómektespek boldy. Árine, olar oǵan ruqsat bermedi, ony jedel járdemge alyp baryp, aýrýhanaǵa jiberdi", - dep túiindedi Sain.
Balanyń ákesi balasyn osy reispen elordada jumys isteitin anasyna jibergenin aitty.
Almatydaǵy ushaq apaty
Qaiǵyly oqiǵa búgin tańerteń boldy. Bek Air áýe kompaniiasynyń "Almaty – Nur-Sultan" baǵytyndaǵy Fokker 100 ushaǵy Talǵar aýdanynda qulady.
Sońǵy málimetterge sáikes, apat 12 adamnyń ómirin qidy. Ushaqta 93 jolaýshy men 5 ekipaj múshesi bolǵan.
Prezidentiń tapsyrmasymen premer-ministr jetekshilik etetin komissiia quryldy. Qaýipsizdik erejelerin buzý baby boiynsha sotqa deiingi tergeý bastaldy. Toqaev 28 jeltoqsandy jalpyulttyq aza tutý kúni retinde jariialady.
