Foto: QR MAM
Memlekettik akademiialyq bi teatry bir aktili zamanaýi «Balet neni jasyrdy» qoiylymyn sahnalady. Qoiylym 57-shi teatr maýsymyn japty, dep habarlaidy Ult.kz.
Atalǵan balet sahna syrtyndaǵy jasyryn álemniń syryn ashady. Kórermenge boiamasyz, ironiia men sezimge toly, ártisterdiń shynaiy ómiri týraly baiandaidy.
Balet premerasy baletti súiip kóretin turaqty kórermen úshin de, bul ónermen alǵash tanysqan jandar úshin de naǵyz jańalyq boldy. Bul – tek mýzykamen úndesken sheber qimyldar ǵana emes, adam jany men táni arqyly sipattalǵan shynaiy oqiǵa.
Qoiylymda ishki qaishylyqtan turatyn ártis ómiri, shabyt pen toqyraý, baǵalaý sekildi sezimder aiqyn sýretteledi. Bul spektakl janrlyq shekarany joidy deýge bolady. Sebebi kórermen bir mezette komediiany da, dramany da, tragediiany da tamashalady. Bi teatrynyń ártisteri ár nómirin kásibi sheberlikpen oryndady. Ár qimylǵa sezim, ár qozǵalysqa jan bitirdi. Bul qoiylym ár ártistiń shyǵarmashylyq shekarasyn keńeitip, erkindik syilady.
