Nurjan Muhamedjanova "Almaty" telearnasynyń bas direktory boldy, - dep habarlaidy "Ult aqparat".
"Almaty" telearnasy direktorlar keńesiniń sheshimimen "Qazaq radiolary" JShS burynǵy bas direktory Nurjan Muhamedjanov "Almaty" telearnasynyń bas direktory qyzmetine taǵaiyndaldy", - delingen Almaty ákimdiginiń saitynda.
Muhamedjanova Nurjan Jalaýqyzy eńbek jolyn Qazaq radiosynda balalar men jastarǵa arnalǵan baǵdarlamalar redaktory qyzmetinen bastaǵan. 1991 jyly Qazaq radiosynyń "Shalqar" aqparattyq-saraptamalyq baǵdarlamalar redaktsiiasynyń bas redaktory bolyp taǵaiyndaldy.
1992 - 1994 jyldary Qazaq radiosynyń saiasi sarapshysy jáne Bas direktordyń birinshi orynbasary qyzmetin atqardy. 1995 - 1997 jyldary QR Prezidentiniń baspasóz qyzmetinde enbek etti. 1997 - 2006 jyldary Qazaqstandaǵy Internews Network Halyqaralyq uiymy ókildiginiń direktor orynbasary, atqarýshy direktory boldy.
2006 - 2011 jyldary "31 telearnasyna" jetekshilik etti. 2011 jyldyń shilde aiynan bastap 2016 jyldyń qazan aiyna deiin "Qazaqstan" AQ TRK Basqarma Tóraiymy qyzmetin atqardy. 2016 jyldan búgingi kúnge deiin "31 arnanyń" Bas prodiýseri, "Qazaqstan" AQ TRK quramyndaǵy "Qazaq Radiolary" JShS Bas direktory qyzmetinde boldy. Qazaqstan Respýblikasynyń Eńbek sińirgen qairatkeri.
Aita keteiik, buryndary "Almaty" telearnasyn Bolat Kalianbekov basqarǵan. 10 shildede ol Nur Media holdingi bas direktory bolyp taǵaiyndaldy.
