Almatyda alǵan jaraqatynan keiin óz betimen taýdan túse almai qalǵan týristi izdestirý toqtatyldy, dep habarlaidy "Ult aqparat".
Búgin Almaty qalalyq Qutqarý qyzmetiniń mamandary er adamdy izdestirý jumystaryn toqtatty. Ózge týristerdiń sózinshe, ol aiaǵyn zaqymdap alyp, óz betinshe qozǵala almaǵan.
«Apattan qutqarý toby 7 qańtar kúni týristerden alynǵan aqparatqa súiene otyryp, úsh kún boiy izdeý jumystaryn júrgizdi. Oqiǵa ornyna 5 adamnan turatyn jasaq jiberildi. Kókjailaý shatqalyndaǵy taý joldarynyń barlyq boljaldy marshrýttary qaraldy. 10 qańtar kúni izdeý jumystaryn toqtatý týraly sheshim qabyldandy», - dep habarlaidy Almaty qalalyq Qutqarý qyzmetiniń baspasóz qyzmetinen.
Buǵan deiin, Kókjailaý shatqalynda belgisiz er adam joǵalyp ketkeni týraly jazǵan bolatynbyz.
