Almaty taýlarynda adasyp qalǵan úsh qyz qutqaryldy, dep habarlaidy "Ult aqparat".
QR Ishki ister ministrligi Tótenshe jaǵdailar komitetinen málim etkendei, Qumbel shyńy aýdanyndaǵy taýlarda úsh qyzdyń adasyp ketkeni týraly habarlama 19 tamyz kúni túsken.
«Zardap shekkenderdiń aitýynsha, Kókjailaý arqyly shyńǵa kóterilgende, olar Gorelnik shatqalyna aparatyn joldy kórsetetin taqtaishany kórgen. Sol arqyly qalaǵa da túsýge bolady. Qurbylar osy jolmen júrýdi sheshken. Biraq eshqaisysy soqpaqpen uzaq ýaqyt júrip kórmegen. Joldy shóp basqan. Qyzdar burynǵy jolmen oralýǵa sheshim qabyldaǵan. Eki saǵat ótkennen keiin qajetti soqpaq tabylmai, zardap shekkender Óńirlik jedel qutqarý jasaǵynyń (ÓJQJ) qutqarýshylarynan kómek suraǵan», - dedi komitetten.
6 adamnan turatyn jedel top izdestirý jumystaryna shuǵyl shyqqan.
«ÓJQJ qutqarýshylary zardap shekkenderge qońyraý shaldy. Sodan keiin qyzdar geolokatsiiany tastady. Bul, izdeý jumystaryn edáýir jedeldetti.
RJQJ qyzmetkerleri dál maqsatty jerge de jyldam jetti. Qyzdar ińirt aýa tabyldy, meditsinalyq kómekke eshkim muqtaj bolmady. Olar jartasty jarǵa shyǵyp, qarańǵyda jergilikti jerdi bilmei, ózdiginen shyǵa almaǵan», - delingen aqparatta.
Qutqarýshylar qyzdardy úilerine barynsha jaqyn jerge jetkizip salǵan.
