الماتى تاۋلارىندا اداسىپ قالعان ٷش قىز قۇتقارىلدى, دەپ حابارلايدى "ۇلت اقپارات".
قر ٸشكٸ ٸستەر مينيسترلٸگٸ تٶتەنشە جاعدايلار كوميتەتٸنەن مەلٸم ەتكەندەي, قۇمبەل شىڭى اۋدانىنداعى تاۋلاردا ٷش قىزدىڭ اداسىپ كەتكەنٸ تۋرالى حابارلاما 19 تامىز كٷنٸ تٷسكەن.
«زارداپ شەككەندەردٸڭ ايتۋىنشا, كٶكجايلاۋ ارقىلى شىڭعا كٶتەرٸلگەندە, ولار گورەلنيك شاتقالىنا اپاراتىن جولدى كٶرسەتەتٸن تاقتايشانى كٶرگەن. سول ارقىلى قالاعا دا تٷسۋگە بولادى. قۇربىلار وسى جولمەن جٷرۋدٸ شەشكەن. بٸراق ەشقايسىسى سوقپاقپەن ۇزاق ۋاقىت جٷرٸپ كٶرمەگەن. جولدى شٶپ باسقان. قىزدار بۇرىنعى جولمەن ورالۋعا شەشٸم قابىلداعان. ەكٸ ساعات ٶتكەننەن كەيٸن قاجەتتٸ سوقپاق تابىلماي, زارداپ شەككەندەر ٶڭٸرلٸك جەدەل قۇتقارۋ جاساعىنىڭ (ٶجقج) قۇتقارۋشىلارىنان كٶمەك سۇراعان», - دەدٸ كوميتەتتەن.
6 ادامنان تۇراتىن جەدەل توپ ٸزدەستٸرۋ جۇمىستارىنا شۇعىل شىققان.
«ٶجقج قۇتقارۋشىلارى زارداپ شەككەندەرگە قوڭىراۋ شالدى. سودان كەيٸن قىزدار گەولوكاتسييانى تاستادى. بۇل, ٸزدەۋ جۇمىستارىن ەدەۋٸر جەدەلدەتتٸ.
رجقج قىزمەتكەرلەرٸ دەل ماقساتتى جەرگە دە جىلدام جەتتٸ. قىزدار ٸڭٸرت اۋا تابىلدى, مەديتسينالىق كٶمەككە ەشكٸم مۇقتاج بولمادى. ولار جارتاستى جارعا شىعىپ, قاراڭعىدا جەرگٸلٸكتٸ جەردٸ بٸلمەي, ٶزدٸگٸنەن شىعا الماعان», - دەلٸنگەن اقپاراتتا.
قۇتقارۋشىلار قىزداردى ٷيلەرٸنە بارىنشا جاقىن جەرگە جەتكٸزٸپ سالعان.
