Almaty qalasynyń Tótenshe jaǵdailar departamenti qala turǵyndary men qonaqtaryn taýǵa shyqpaýǵa shaqyrdy. Mamandardyń málimetinshe, 1 shildede Almaty taýlarynda sel júrý qaýpi kúsheigen, dep habarlaidy ult.kz.
“Qazgidromet” RMK derekterine sáikes, qatty jaýyn-shashyn saldarynan Kishi Almaty ózeni alabynda sel qaýpi joǵary deńgeide.
TJD azamattarǵa aýa raiy turaqtalǵanǵa deiin Ile Alataýyna barýdan bas tartýdy eskertti.
Qutqarýshylar qaýipsizdik maqsatynda kelesi erejelerdi saqtaýdy usynady: ózen arnalary men sailarǵa jaqyn demalmaý, sel qaýpi bar aimaqtarda shatyr tispeý, taýda jaýyn bastalsa dereý qaýipti aýmaqtan ketý jáne resmi aqparatty turaqty baqylap otyrý.
