Foto: Videodan alynǵan kadr
Sybailas jemqorlyqpen kúres agenttigi Almaty qalasy boiynsha departamenti aýyr qylmys jasady degen kúdikpen «Almaty Sý» ShJQ MKK bas direktorynyń orynbasaryn ustady, dep habarlaidy "Ult aqparat" Antikorǵa silteme jasap.
Ol jergilikti kásipkerden oryndalǵan jumystardyń aktilerine qol qoiǵany jáne jasalǵan memlekettik satyp alý sharttary boiynsha aqshalai qarajat tólegeni úshin 345 mln teńge kólemindegi buryn kelisilgen somadan 75 mln teńge alǵan.
Sol siiaqty, Qyzylorda oblysy boiynsha Sybailas jemqorlyqqa qarsy qyzmet jergilikti ákimdiktiń kásipkerlik jáne ónerkásip basqarmasynyń basshysyn jalpy qamqorlyǵy men kelisimshartty uzartýǵa jáne jer qoinaýyn óndirý kólemin ulǵaitý ruqsatyna qol qoiǵany úshin aitarlyqtai mólsherde para aldy degen kúdik boiynsha ustady.
«Kúdiktilerge qatysty sottyń sanktsiiasymen „qamaýda ustaý“ túrindegi bultartpaý sharasy qoldanyldy.
Atalǵan ister boiynsha tergeý jalǵasýda.
Qylmystyq-protsestik kodeksiniń 201-babyna sáikes ózge aqparat jariia etýge jatpaidy», — dep jazdy Antikordan.
Aita keteiik, «Bizneske jol» jobasy aiasynda aǵymdaǵy jyldyń basynan beri 43 problemalyq keis sheshilip, 5 myń kásipkerdiń quqyqtary qorǵaldy.
