Bilim jáne ǵylymi vitse-ministri Miras Dáýlenov almatylyq stýdentterdi jataqhanadan qýyp jatqany týraly aqparatty feik dep atady , dep habarlaidy "Ult aqparat".
Epidemiologiialyq jaǵdaiǵa bailanysty Almaty qalasyndaǵy joǵary oqý oryndarynyń stýdentteri qashyqtan oqýǵa jiberilgeni belgili. Osyǵan bailanysty áleýmettik jelide qalanyń bas sanitarlyq dárigeriniń qaýlysyna súienip, keibir stýdentterdi jataqhanadan kúshpen shyǵaryp jatqany týraly aqparat tarady.
Bilim jáne ǵylym vitse-ministri Miras Dáýlenov bul aqparatty «feik» dep atady.
«Almatyda stýdentterdi jataqhanalardan kúshtep shyǵaryp jatyr eken degen málimet shyndyqqa janaspaidy. Bul – feik. Almatyda 38 joǵary oqý orny bar. Barlyq JOO basshylarymen sóilestik. Stýdentterdi jataqhanadan qýý týraly mysaldar joq. Bul derekter rastalǵan joq. Sondyqtan, birneshe saǵattyń ishinde bul másele sheshiledi dep oilaimyn», - dedi vedomstvo ókili.
Miras Dáýlenov úi jaǵdaiynda qashyqtan oqýǵa múmkindigi joq stýdentterge jańa standart boiynsha jataqhanada turyp oqý múmkindigi usynylǵanyn eskertti.
«Bas sanitarlyq dárigerdiń qaýlysy týraly aitsaq, bul Densaýlyq saqtaý ministrliginiń quzyryndaǵy sharýa. Meniń aitqym keletini, úi jaǵdaiynda qashyqtan oqýǵa múmkindigi joq stýdentterge arnap kúzde jataqhanalar ashqan bolatynbyz. Onyń jumysy sanitarlyq-epidemiologiialyq rejim talaptaryna sáikes keledi. Mysaly buryn jatqanalarda 3-4 adam turyp kelse, qazir 2 adammen shektep otyrmyz. Densaýlyq saqtaý ministrliginen osyndai jaǵdaida oqyp jatqandarǵa ruqsat berý boiynsha jumys júrgizdik. Oqý jylynyń aiaqtalýyna 1,5 aidai ǵana qalǵandyqtan, stýdentterdiń Almatydan uzap ketkeni bizge de kerek emes. Jalpy alsaq, Nur-Sultan men Almaty qalalarynda kolledj ben ýnriversitet stýdentteri qashyqtan oqýǵa jiberilgen. Biz sanitarlyq qaýlyny saqtap otyrmyz», - dedi vitse-ministr.
